Sefania 3:2 - An Bibel Kernewek 20234 (Kernewek Kemmyn)

² Ny obayas hi lev vytholl; ny dhegemmeras dyskybleth; ny drestyas y'n Arloedh; ny nesas dh'y Duw.

Sefania 3:2 ပူးပေါင်းရင်းမြစ်များ

Nehemia 9:26

‘Byttegyns diwostydh ens, hag i a rebellyas er dha bynn ha tewlel dha lagha a-dryv aga heyn ha ladha dha brofoesi, a wrussons aga gwarnya, dh'aga threylya dhis arta; hag i a wrug blasfemiow bras.

Salmow 10:4

An tebelwas yn y valghder ny'n hwila; oll y dybyansow yw, ‘Nyns eus Duw.’

Salmow 50:17

Rag ty a gas dyskybleth, ha tewlel ow lavarow war dha lergh.

Salmow 73:28

Mes da yw ragov dos ogas dhe Dhuw; my re wrug an Arloedh Duw ow skovva, rag may teriffiv dha wriansow oll.

Salmow 78:22

drefenn na gryssons yn Duw na fydhya yn y selwyans ev.

Lavarow Koth 1:7

Own an Arloedh yw an dalleth a wodhvos; fellyon a skorn furneth ha dyskans.

Lavarow Koth 5:12

ha ty a lever, ‘Assa wren vy kasa dyskybleth, ha'm kolonn a dhispresyas keredh.

Ysay 1:5

Prag y fydhowgh gweskys hwath moy? Prag y pesyowgh yn rebellyans? An penn dien yw klav, oll an golonn yw klamderek.

Ysay 29:13

An Arloedh a leveris: Drefenn an bobel ma dhe dhos nes dhymm gans aga ganow hag ow enora gans aga diwweus, mes aga holonn yw pell dhiworthiv, ha'ga own ahanav yw dyskys gans gorhemmynn tus,

Ysay 31:1

Go-i an re a dhiyskynn dhe Ejyp rag gweres, ha kregi war vergh, ha trestya yn charettow rag aga bos lies, hag yn marghogyon rag aga bos pur nerthek, mes ny virons orth Sans Ysrael, na ny hwilons an Arloedh.

Ysay 43:22

Saw ny elwsys warnav, A Yakob; mes ty re beu skwithys orthiv, A Ysrael.

Ysay 9:12

Aram a-rag ha'n Filistysi a-dryv; hag i re dhevoryas Ysrael gans anow igor. Yn despit dhe oll hemma ny dreylyas y sorr, ha'y leuv yw hwath ystynnys.

Yeremia 13:25

Homm yw dha gevrenn, dha rann a vusuris dhis, yn-medh an Arloedh; drefenn ty dhe'm ankevi, ha fydhya yn gowegneth.

Yeremia 2:30

Yn euver my re weskis agas fleghes; ny dhegemmersons dyskybleth. Agas kledha agas honan re dhevoryas agas profoesi, avel lew ow tistrui.

Yeremia 22:21

My a gewsis er dha bynn y'th sewena, mes ty a leveris, ‘Ny woslowav.’ Hemma re beu dha fordh a'th yowynkneth, rag ny woslewsys orth ow lev.

Yeremia 32:33

I re dreylyas dhymm aga heyn, a-der aga fasow; kyn y's dyskis heb lett, hwath ny woslowsons dhe gemmeres dyskybleth.

Yeremia 35:13

Yndellma y lever Arloedh an luyow, Duw Ysrael: Ke ha leverel dhe bobel Yuda ha dhe annedhysi Yerusalem, ‘A ny vynnowgh degemmeres dyskans ha klewes ow geryow? yn-medh an Arloedh.

Yeremia 35:17

Ytho, yndellma y lever an Arloedh, Duw an luyow, Duw Ysrael: My a dhre war Yuda ha war oll annedhysi Yerusalem pub terroes re leveris er aga fynn; rag my re gewsis dhedha ha ny woslowsons, my re elwis dhedha mes ny worthybsons.’

Yeremia 5:3

A Arloedh, a nyns yw dha lagas war an gwirder? ty re's gweskis mes ny wodhevons payn; ty re's diswrug, mes i re naghas degemmeres dyskybleth: i re wrug aga fasow kalessa ages karrek; i re naghas dehweles.

Ezekiel 22:24

Mab den, lavar dhedhi, Ty yw dor ma na goedhas glaw warnodho, na kowasow y'n jydh a sorrvann.

Ezekiel 24:13

Y'th avlander yma fornikasyon. Drefenn my dhe assaya dha lanhe, mes ny vynnsys bos glanhes, ny vydhydh glanhes arta dhiworth dha avlander bys pan rov powes dhe'm sorr er dha bynn.

Sefania 1:6

ha'n re a dreyl dhiworth an Arloedh; ha'n re na hwilas an Arloedh ha na wovynnas kusul dhiworto.

2 Timothi 3:16

Pub skryptor yw ynspirys gans Duw. Dhe les yw rag dyski, rag keski, rag ewnans ha rag dyskans yn ewnder,

Ebrowyon 10:22

nesyn gans kolonn wir yn surneth leun a fydh, agan kolonn purhes glan a debelgowses ha'gan korf golghys gans dowr pur.