Sefania 3:17 - An Bibel Kernewek 20234 (Kernewek Kemmyn)

¹⁷ An Arloedh, dha Dhuw a-berth ynnos, galloesek yw, ev a saw; fest heudhik yw warnas gans lowena; ev a vydh tawesek yn y gerensa, ev a lowenha warnas gans kana,

Sefania 3:17 ပူးပေါင်းရင်းမြစ်များ

Jenesis 1:31

Ha Duw a welas pup-tra re wrussa hag awotta, yth o pur dha. Hag y feu gorthugher hag y feu myttin, an hweghves dydh.

Jenesis 17:1

Ha pan o Abram nownsek bloedh ha peswar-ugens, an Arloedh a omdhiskwedhas dhe Abram ha leverel dhodho, ‘Duw Ollgalloesek ov vy. Kerdh a-dheragov, ha bydh divlam.

Jenesis 18:14

Eus travyth re gales rag an Arloedh? Y'n termyn apoyntys, my a dhehwel dhis, y'n vlydhen a dheu, hag y fydh dhe Sara mab.’

Jenesis 2:2

Ha'n seythves dydh Duw a worfennas y ober re wrussa gul, hag ev a bowesas an seythves dydh a'n ober oll re wrussa.

Salmow 147:11

Mes an Arloedh a gemmer plesour y'n re a'n own, y'n re a fydh yn y dregeredh.

Salmow 149:4

Rag an Arloedh a gemmer plesour yn y bobel; ev a afin an re hwar gans selwyans.

Salmow 78:65

Ytho an Arloedh a dhifunas avel onan ow sevel yn-mes a gosk, kepar ha breselyas ow karma wosa gwin.

Ysay 12:2

Otta, Duw yw ow selwyans; my a fydh, ha ny borthav own, rag an Arloedh Duw yw ow nerth ha'm kan, hag ev yw ow selwyans.

Ysay 12:6

Garm ha kan yn lowen, annedhyas Sion, rag bras yw Sans Ysrael y'n kres ahanas.

Ysay 18:4

Yndellma y lever an Arloedh dhymm: My a vydh kosel ha mires dhiworth ow thrigva avel toemmder kler y'n howlsplann, avel kommolenn gluth yn toemmder an drevas.

Ysay 63:1

‘Piw yw hemma ow tos dhiworth Edom, yn dillas rudhgogh dhiworth Bosra? Piw yw hemma gwiskys yn splannder, ow kerdhes yn-rag yn y alloes bras?’ ‘My y'th yw, ow kewsel yn ewnder, galloesek dhe sawya.’

Ysay 63:12

neb a wrug dh'y vregh gloryus mos orth leuv dhyghow Moyses, ow folsa dowrow a-ragdha, dhe wul ragdho hanow a dhur vys vykken,

Ysay 65:19

My a lowenha yn Yerusalem ha bos heudhik y'm pobel; ny vydh klewys son oelva ynni, na son kri rag gweres na fella.

Ysay 9:6

Rag flogh re beu genys dhyn, mab re beu res dhyn; ha war y dhiwskoedh yma arloettys. Hag ev a vydh henwys Kusulyador Marthys, Duw Galloesek, Tas bys Vykken, Pennsevik Kres.

Yeremia 32:41

My a lowenha ow kul da dhedha, ha my a's plans y'n tir ma yn sur, gans oll ow holonn ha gans oll ow enev.

Hosea 14:4

My a wra aga sawya dhiworth aga dislelder, ha'ga hara heb ahwer, rag ow sorr re dreylyas anodho.

Yoel 2:21

Na borth own, a dir; bydh heudhik ha lowenha: rag an Arloedh re wrug taklow bras.

Sefania 3:15

An Arloedh a gemmeras dhe-ves dha vreusow, ev re fesyas dha eskar: yma myghtern Ysrael, an Arloedh, a-berth ynnos: ny' fydh own a dhroktra namoy.

Sefania 3:5

An Arloedh yw gwiryon a-berth ynni; ny wra ev sherewneth: myttin wosa myttin ev a re y vreus, pub bora ny fyll ev; mes ny woer an drogoberer meth.

Niverow 14:8

Mars yw an Arloedh pes da ahanan, ev a'gan dre dhe'n tir ma ha'y ri dhyn, tir a dhinwa leth ha mel.

Luk 15:32

Mes lemmyn res yw ni dhe vos lowen ha heudhik; rag dha vroder ma a veu marow ha re vewas arta; kellys o, ha trovys yw.” ’

Yowann 13:1

Mes kyns goel an pask, pan wodhva Yesu y eur dhe vos devedhys rag tremena a'n bys ma dhe'n Tas, ow kara y dus y honan, ev a's karas bys y'n diwedh.

Yowann 15:11

My re gewsis an taklow ma dhywgh may fo ow lowena ynnowgh, ha may fo agas lowena kollenwys.

Dewteronomi 23:15

Na dhelirv keth dh'y vester, neb a dhienkas dhis dhiworth y vester.

Dewteronomi 30:9

An Arloedh dha Dhuw a wra dhis seweni yn pub ober a'th leuv, yn frut dha gorf, yn frut dha jatel hag yn frut dha dir rag da; rag an Arloedh dha Dhuw a lowenha ynnos arta rag da, kepar dell lowenhas yn dha dasow,

Ebrowyon 7:25

Yndellma, ev a yll selwel, rag oll termyn, an re a nes dhe Dhuw dredho, rag ev a vew prest dhe bysi ragdha.