Sefania 3:16 - An Bibel Kernewek 20234 (Kernewek Kemmyn)

¹⁶ Y'n jydh na y leverir dhe Yerusalem: Na borth own, a Sion; na vedhes dha dhiwleuv lows.

Sefania 3:16 ပူးပေါင်းရင်းမြစ်များ

Job 4:3

Otta, ty re dhyskas lies den; ha ty re grevhas an dhiwla ydhil.

Ysay 25:9

Y'n jydh na y fydh leverys, Otta, hemm yw agan Duw; ni a'n gortas, hag ev a'gan sawyas. Hemm yw an Arloedh ha ni re'n gortas; bedhen ni lowen ha fest heudhik yn y selwyans.

Ysay 40:9

Yskynn yn menydh ughel, A Sion, dyller nowodhow da; drehav dha lev gans nell, A Yerusalem, dyller nowodhow da; drehav e yn-bann heb own; lavar dhe sitys Yuda, ‘Otta dha Dhuw!’

Ysay 41:10

na borth own, rag yth esov genes, na vydh digolonnek, rag my yw dha Dhuw; my a wra dha nertha, my a wra dha weres, my a'th syns gans dorn dhyghow ow selwyans.

Ysay 44:2

Yndellma y lever an Arloedh a'th wrug, neb a'th formyas a'n dorr, hag a wra dha weres: Na borth own, a Yakob, ow gwas, Yeshurun neb re dhewisis.

Ysay 54:4

Na borth own, rag ny' fydh sham, na vydh digolonnek, rag ny berthydh mewl; rag ty a ankev disenor dha yowynkneth, ha ny berthydh kov a vewl dha wedhowses na fella.

Yoel 2:21

Na borth own, a dir; bydh heudhik ha lowenha: rag an Arloedh re wrug taklow bras.

Zekaria 8:13

Ha kepar dell vewgh molleth yn mysk an kenedhlow, A ji Yuda ha ji Ysrael, yn kettella my a wra agas sawya, ha hwi a vydh bennath. Na berthewgh dout, mes krevhewgh agas diwleuv.

Zekaria 8:15

yn kettella my a erviras gul mas arta y'n dydhyow ma dhe Yerusalem ha dhe ji Yuda. Na berthewgh dout.

Yowann 12:12

Ternos an routh veur neb o devedhys dhe'n goel, pan glewsons Yesu dhe dhos dhe Yerusalem,

2 Korinthianys 4:1

Rakhenna, a-ban eus dhyn an menystrans ma, kepar dell gevsyn tregeredh, ny dheun ha bos digolonnek,

Galatianys 6:9

Yn masobereth na vedhen digolonnek; rag y'n prys ewn y hwren ni mysi mar ny glamderyn.

Efesianys 3:13

Rag hemma, my a'gas pys na gemmerrowgh digolonn y'm galarow ragowgh hwi; agas glori yns i.

Ebrowyon 12:12

Ytho krevhewgh an dhiwdhorn ydhil ha'gas dewlin dhifreth,

Diskwedhyans 2:3

Yma genes perthyans; ty a wodhevis a-barth ow hanow, ha nyns osta skwithys.