Sefania 3:15 - An Bibel Kernewek 20234 (Kernewek Kemmyn)

¹⁵ An Arloedh a gemmeras dhe-ves dha vreusow, ev re fesyas dha eskar: yma myghtern Ysrael, an Arloedh, a-berth ynnos: ny' fydh own a dhroktra namoy.

Sefania 3:15 ပူးပေါင်းရင်းမြစ်များ

Jenesis 30:23

Ha hi a gonsevyas ha dineythi mab ha leverel, ‘Duw re gemmeras ow meth dhe-ves.’

Salmow 149:2

Gwres Ysrael lowenhe yn y Wrier; bedhes mebyon Sion heudhik yn aga Myghtern.

Salmow 19:9

Own an Arloedh yw glan, ow turya bys vykken; breusow an Arloedh yw len, ha gwiryon yn tien.

Salmow 85:3

Ty re gemmeras dhe-ves oll dha sorr; ty re dreylyas dhiworth dha sorr fers.

Ysay 12:6

Garm ha kan yn lowen, annedhyas Sion, rag bras yw Sans Ysrael y'n kres ahanas.

Ysay 25:8

Ev a gollenk ankow bys vykken. An Arloedh Duw a sygh an dagrow dhiworth pub fas; ha kemmeres mewl y bobel dhe-ves a-dhiwar oll an norvys, rag an Arloedh re gewsis.

Ysay 33:22

Rag an Arloedh yw agan breusyas, an Arloedh yw agan rewler, an Arloedh yw agan myghtern; Ev yth yw neb a wra agan sawya.

Ysay 35:10

An re dasprenys a'n Arloedh a dhehwel, ha dos dhe Sion gans kana, ha joy heb diwedh a vydh war aga fenn. I a's tevydh lowena ha joy, ha tristyns ha hanasa a fi dhe'n fo.

Ysay 51:22

Yndellma y lever dha Arloedh, an Arloedh, dha Dhuw neb a bled ken y bobel: Otta, my re gemmeras dhiworth dha dhorn an hanaf a vedhwenep. Ny evydh nevra na fella a volla ow honnar.

Ysay 52:9

Germewgh gans joy, hwi vagoryow a Yerusalem; rag an Arloedh re gonfortyas y bobel, ev re dhasprenas Yerusalem.

Ysay 54:14

Fondys vydhydh yn ewnder; pell vydhydh dhiworth arwask, rag ny wredh perthi own; ha dhiworth euth, rag ny wra ev dos nes dhis.

Ysay 60:18

Freudh ny vydh klewys byth moy y'th tiredh, na terroes na distruyans y'th oryon, mes ty a elow dha fosow Selwyans, ha'th yetys Gormola.

Ysay 65:19

My a lowenha yn Yerusalem ha bos heudhik y'm pobel; ny vydh klewys son oelva ynni, na son kri rag gweres na fella.

Yeremia 8:19

Otta, lev kri myrgh ow fobel dre hys ha les an tir: ‘A nyns usi an Arloedh yn Sion? A nyns usi hy myghtern ynni?’ ‘Prag y hwrussons ow frovokya dhe sorr gans aga imajys gravys ha'ga idolys estren koeg?’

Ezekiel 35:10

Drefenn ty dhe leverel, ‘An dhiw genedhel ma ha'n dhew bow ma yw dhymmo vy, ha ni a's erit’, kyn feu an Arloedh ena,

Ezekiel 36:15

Ny asav dhis klewes skorn an poblow namoy, na perthi keredh an kenedhlow namoy; ny wredh dhe'n genedhel trebuchya namoy, yn-medh an Arloedh Duw.

Ezekiel 39:29

Ny gudhav ow fas arta dhiworta, rag my re dhiveris ow spyrys war ji Ysrael, yn-medh an Arloedh Duw.

Ezekiel 48:35

An kompas yw etek mil. Ha hanow an sita a-dhia'n jydh na a vydh: Yma an Arloedh Ena.

Yoel 3:17

Yndellma hwi a wodhvydh my dhe vos an Arloedh agas Duw, trigys yn Sion, ow menydh sans. Ha Yerusalem a vydh sans, ha nevra ny wra estrenyon tremena dredhi namoy.

Amos 9:15

My a wra aga flansa war aga thir, ha ny vydhons diwreydhys namoy dhiwar aga dor a res vy dhedha, yn-medh an Arloedh dha Dhuw.

Mika 7:10

Ena y'n gwel ow eskares, ha meth a's kudh; yn-medh hi dhymm, ‘Ple'ma an Arloedh, dha Dhuw?’ Ow dewlagas a lowenha orth hy gweles. Lemmyn hi a vydh trettys dhe'n dor haval dhe leys an stretow.

Habakkuk 2:17

Rag garowder erbynn Lebanon a'th kudh, ha ladhva an bestes a'th ownekha, drefenn goes mab-den, ha garowder erbynn tiryow, erbynn sitys, ha myns eus trigys ynna.

Habakkuk 2:8

Rag ty dhe bylla lies kenedhel, an remenant oll a'n kenedhlow a'th pyll; drefenn goes mab-den, ha garowder erbynn tiryow, erbynn sitys, hag oll an dus usi trigys ynni.

Sefania 3:17

An Arloedh, dha Dhuw a-berth ynnos, galloesek yw, ev a saw; fest heudhik yw warnas gans lowena; ev a vydh tawesek yn y gerensa, ev a lowenha warnas gans kana,

Sefania 3:5

An Arloedh yw gwiryon a-berth ynni; ny wra ev sherewneth: myttin wosa myttin ev a re y vreus, pub bora ny fyll ev; mes ny woer an drogoberer meth.

Zekaria 12:3

Y'n jydh na my a wra Yerusalem karrek veghus rag oll an poblow. Myns yw beghys gensi a vydh skwardys yn sevur, pan omguntell oll kenedhlow an norvys er hy fynn.

Zekaria 14:11

Tus a wra triga ynni; ny vydh nevra arta sakrys dhe dhistruyans, mes Yerusalem a wra triga yn sawder.

Zekaria 9:9

Lowenha yn feur, myrgh Sion! Garm, myrgh Yerusalem! Awotta dha vyghtern a dheu dhis, gwiryon ha trygh, uvel hag ow marghogeth war asen, war ebel mab asen.

Yowann 1:49

Nathanael a worthybis dhodho, ‘Rabbi, ty yw Mab Duw, ty yw Myghtern Ysrael.’

Yowann 12:15

‘Na gemmer own, myrgh Sion; otta, dha vyghtern a dheu, esedhys war ebel asen.’

Yowann 19:19

Ha Pilat a skrifas titel, ha'y worra war an grows; ha skrifys veu: Yesu a Nazareth, Myghtern an Yedhewon.

Yowann 5:30

‘Ny allav vy ow honan gul travyth; kepar dell glewav y hwrav vy breusi, ha'm breus yw ewn, rag ny hwilav ow bolonjedh ow honan, mes bolonjedh ev neb a'm dannvonas.

Diskwedhyans 12:10

Ha my a glewas lev ughel yn nev ow leverel, ‘Lemmyn selwyans, ha nerth, ha gwlaskor agan Duw yw devedhys, ha galloes y Grist: rag bos kuhudhor agan breder tewlys yn-nans, neb a's kuhudhas dydh ha nos a-dherag agan Duw.

Diskwedhyans 18:20

Lowenhewgh warnedhi, a nev, ha hwi syns, hag abesteli, ha profoesi, rag Duw re ros dhywgh gwirvreus er hy fynn.

Diskwedhyans 19:16

Ha war y vantell ha war y vordhos, hanow yw skrifys: Myghtern myghternedh, hag Arloedh arlydhi.

Diskwedhyans 7:15

Rakhenna, ymons i a-dherag tron Duw, hag i a'n gordh dydh ha nos yn y dempel; ev neb yw esedhys war an tron a worr y dylda warnedha.