Sefania 3:12 - An Bibel Kernewek 20234 (Kernewek Kemmyn)

¹² My a as ynwedh a-berth ynnos pobel boghosek ha gwann, hag i a hwila skovva yn hanow an Arloedh.

Sefania 3:12 ပူးပေါင်းရင်းမြစ်များ

Ezra 9:8

Ha lemmyn, rag termyn berr truedh re beu diskwedhys gans an Arloedh agan Duw, ow kasa dhyn remenant, hag ow ri dhyn troesla fyrv yn y dyller sans, may klerhaho agan Duw agan dewlagas, ha ri dhyn tamm a dhifresyans yn agan kethneth.

Salmow 37:40

Ha'n Arloedh a weres dhedha, ha'ga difres; ev a's difres a'n debeles, ha'ga selwel, rag i a hwila skovva ynno.

Ysay 14:30

An re gynsa-genys a'n voghosogyon a beur, ha'n edhommogyon a wrowedh yn sawder. Mes my a dhistru dha gyf gans divoetter; ha ladha dha remenant.

Ysay 14:32

Fatell worthyp kannasow an genedhel? ‘Yth yw an Arloedh neb re selyas Sion, ha boghosogyon y bobel a hwila harber ynni.’

Ysay 29:19

Arta an re uvel a's tevydh lowena y'n Arloedh, ha'n voghosogyon a lowenha yn Sans Ysrael.

Ysay 50:10

Piw yn aga mysk a berth own a'n Arloedh hag yw gostydh dhe lev y was? Ev neb a gerdh yn tewlder, neb na'n jeves golow, byttegyns ev a drest yn hanow an Arloedh, ha poesa war y Dhuw.

Ysay 6:13

Ha kyn fo an degves rann gesys ynno, y fydh leskys arta, kepar ha terebinthenn po derwenn a as kyf pan yw treghys dhe'n dor.’ An has sans yw hy hyf.

Yeremia 17:7

Benniges yw an gour a fydh y'n Arloedh, may ma y fydhyans y'n Arloedh.

Yeremia 50:20

Y'n dydhyow na hag y'n termyn na, yn-medh an Arloedh, anewnder Ysrael a vydh hwithrys ha ny vydh nagonan; ha peghosow Yuda, ha ny vydh kevys nagonan; rag my a av an re a wrav aga gasa.

Ezekiel 6:8

Mes my a as remenant; re ahanowgh a skap an kledha yn mysk an kenedhlow, pan vydhowgh skattrys y'n gwlaskordhow.

Mika 5:6

Bugelya a wrons an tir a Assyria dre gledha, ha'n tir a Nimrod dre gledha noeth; hag i a'gan delirv dhiworth Asshur pan dheffo yn agan tir ha trettya a-berth yn agan or.

Nahum 1:7

Da yw an Arloedh, dinas yn dydh anken; hag ev a aswonn an re a drest ynno ev.

Zekaria 11:11

Ev a veu dileys y'n jydh na, ha boghosogyon an flokk, neb esa ow mires orthiv, a wodhva hemma dhe vos ger an Arloedh.

Zekaria 11:7

Ytho my a beskis an flokk rag an ladhva, ynwedh boghosogyon an flokk. My a gemmeras diw vagel ha my a henwis an eyl Hwekter ha'y ben Kolmow, ha my a beskis an flokk.

Matthew 11:5

dellyon a wel arta hag evredhyon a gerdh; klavorogyon yw glanhes, bodharyon a glew, ha tus varow yw drehevys, ha dhe voghosogyon an aweyl yw pregewthys;

Matthew 12:21

hag yn y hanow ev an Jentilys a's tevydh govenek.’

Matthew 5:3

‘Gwynn aga bys an re yw boghosek yn spyrys, rag dhedha i yw gwlaskor nev.

Romanyon 15:12

Hag arta Ysay a lever, ‘Gwreydhenn Yesse a dheu, neb a sev dhe rewlya an kenedhlow, ynno an kenedhlow a's tevydh govenek.’

Jamys 2:5

Goslowewgh, ow breder veurgerys. A ny dhewisas Duw an voghosogyon y'n bys dhe vos rych yn fydh ha heryon a'n wlaskor a ambosas dhe'n re a'n kar?

1 Peder 1:21

neb a grys dredho yn Duw a wrug y dhrehevel dhiworth an re varow ha ri splannder dhodho, mayth usi agas fydh ha'gas govenek yn Duw.