Sefania 3:11 - An Bibel Kernewek 20234 (Kernewek Kemmyn)

¹¹ Y'n jydh na ny vydhydh methek a oll dha wriansow may hwrussys ynna drogober er ow fynn: rag ena my a gemmer dhe-ves a-dhiworthis an dus a lowenha y'th woeth ha ny vydhydh goethus namoy war ow menydh sans.

Sefania 3:11 ပူးပေါင်းရင်းမြစ်များ

Ysay 54:4

Na borth own, rag ny' fydh sham, na vydh digolonnek, rag ny berthydh mewl; rag ty a ankev disenor dha yowynkneth, ha ny berthydh kov a vewl dha wedhowses na fella.

Ysay 11:9

Ny wrons dregynn na ny dhistruons yn oll ow menydh sans; rag an norvys a vydh leun a wodhvos an Arloedh dell wra an dowrow kudha an mor.

Ysay 61:7

Yn le agas meth hwi a gyv dewblek, hag yn le despit i a lowenha yn aga rann; rakhenna i a erit dewblek yn aga thir, hag y fydh dhedha joy heb diwedh.

1 Peder 2:6

Rag skrifys yw y'n Skryptor, ‘Otta, my a worr yn Sion men, pennmen dewisys, drudh, ha neb a grys ynno ny'n jevydh meth.’

Romanyon 9:33

dell yw skrifys, ‘Ottavy ow korra yn Sion men trebuchya, ha karrek a offens ha neb a grysso ynno, ny berth ev meth.’

Matthew 3:9

ha na dybewgh leverel dh'agas honan, “Yma dhyn Abraham yn tas.” Rag my a lever dhywgh y hyll Duw drehevel fleghes dhe Abraham yn-mes a'n veyn ma.

Daniel 9:16

A Arloedh, herwydh oll dha weythyow gwiryon, re bo treylys, my a'th pys, dha sorr ha'th konnar dhiworth dha sita Yerusalem, dha venydh sans; rag a-barth agan peghosow, hag a-barth kammweyth agan tasow, Yerusalem ha'th pobel re dheuth bismer dh'agan kentrevogyon.

Yeremia 7:4

Na fydhyewgh yn geryow gow, ow leverel, ‘Hemm yw tempel an Arloedh, tempel an Arloedh, tempel an Arloedh.’

Ysay 45:17

Mes Ysrael a vydh selwys y'n Arloedh gans selwyans heb diwedh, ny'gas bydh meth na ny vydhowgh konfondys bys vykken.

Romanyon 2:17

Mes mara'th henwir Yedhow ha fydhya a wredh y'n lagha ha bostya yn Duw

Mika 3:11

Hy fennow a re breus rag falswober, hy oferysi a dhysk rag arveth, hy frofoesi a dhargan rag arghans; hag i ow poesa war an Arloedh, ow leverel, ‘A nyns usi an Arloedh yn agan mysk? Ny wra drog vyth dos warnan.’

Daniel 9:20

Ha my ow kewsel hag ow pysi, hag ow yes ow feghes ha peghes ow fobel Ysrael, hag ow profya ow aspysadow a-rag an Arloedh ow Duw, a-barth menydh sans ow Duw;

Ezekiel 24:21

Lavar dhe ji Ysrael, Yndellma y lever an Arloedh Duw: Awottavy ow tisakra ow sentri, goeth agas nerth, desir agas dewlagas, ha delit agas enev. Agas mebyon ha'gas myrghes, a wrussowgh aga gasa, a goedh der an kledha.

Salmow 49:5

Prag y porthav own yn drog dhydhyow, pan omsett kammweyth ow eskerens a-dro dhymm?

Niverow 16:3

hag i a omguntellas war-barth erbynn Moyses hag erbynn Aron, ha leverel dhedha, ‘Hwi res eth re bell! Rag oll an kuntelles yw sans, peub anedha, hag yma an Arloedh yn aga mysk; ytho prag yth omughelhowgh a-ugh kemmynieth an Arloedh?’

Salmow 59:12

Rag pegh aga ganow, ha geryow aga gweusyow, bedhens i kemmerys yn aga goeth. Ha rag an mollethi ha'n gowleverel a leverons,

Salmow 131:1

Arloedh, nyns yw ow holonn goethus, ha nyns yw ow dewlagas ughel; ny omrov dhe daklow meur, na dhe daklow re varthys ragov.

Ysay 2:12

Rag yma dhe Arloedh an luyow dydh erbynn pubonan yw goethus hag ughel, hag erbynn pubonan yw eksaltys, hag i a vydh uvelhes;

Ysay 5:15

Den yw plegys dhe'n dor, ha gour yw gwrys isel, ha dewlagas an re woethus a vydh isel.

Ysay 56:7

my a wra aga dri dhe'm menydh sans, ha'ga lowenhe y'm chi a bysadow. Aga offrynnow leskys ha'ga sakrifisow a vydh kemmeradow war ow alter, rag ow chi a vydh gelwys chi a bysadow rag oll an poblow.

Yeremia 13:9

Yndellma y lever an Arloedh: War-lergh an vaner ma my a dhiswra goeth Yuda, ha goeth meur Yerusalem.

Ezekiel 20:40

Rag war ow menydh sans, war venydh ughel Ysrael, yn-medh an Arloedh Duw, oll chi Ysrael, i oll, a wra ow servya ena y'n tir; eno my a wra aga degemmeres. Ena my a vynn orthowgh agas offrynnow ha'n gwella a'gas sakrifisow gans oll agas taklow sans.