Sefania 2:7 - An Bibel Kernewek 20234 (Kernewek Kemmyn)

⁷ Ha'n arvor a vydh rag remenant chi Yuda; i a wra aga greow dhe beuri warnodho: yn chiow Ashkelon i a wrowedh gorthugherweyth; rag an Arloedh, aga Duw, a wra aga visitya, ha treylya aga hethneth.

Sefania 2:7 ပူးပေါင်းရင်းမြစ်များ

Jenesis 50:24

Hag yn-medh Yosep dh'y vreder, ‘Yth esov ow merwel. Duw sertan a wra agas visitya, ha'gas dri yn-bann mes a'n pow ma bys y'n pow a ambosas ev dre di dhe Abraham, dhe Ysak ha dhe Yakob.’

Salmow 80:14

Treyl arta, ni a'th pys, A Dhuw an luyow, mir war-woeles dhiworth nev ha gwel, ha gwra vri a'n gwinbrenn ma;

Salmow 85:1

Ty re beu grassyes, A Arloedh, orth dha dir; ty re dreylyas kethneth Yakob.

Eksodus 4:31

Ha'n bobel a grysis; ha pan glewsons an Arloedh dhe wul vri a vebyon Ysrael ha gweles aga galar, i a omblegyas ha gordhya.

Ysay 11:11

Y'n jydh na an Arloedh a ystynn y leuv an nessa gweyth dhe dhaskavoes remenant y bobel yw gesys, dhiworth Assyria, dhiworth Ejyp, dhiworth Pathros, dhiworth Ethiopia, dhiworth Elam, dhiworth Shinar, dhiworth Hamath, ha dhiworth ynysow an mor.

Ysay 11:14

I a nij yn-nans war skoedh an Filistysi yn howlsedhes; war-barth i a byll mebyon an howldrevel. I a ystynn aga leuv erbynn Edom ha Moab, ha an Ammonysi a vydh aga sojets.

Ysay 11:16

y fydh fordh-veur dhiworth Assyria rag remenant y bobel yw gesys, kepar dell veu rag Ysrael y'n jydh mayth yskynnas yn-mes a bow Ejyp.

Ysay 14:1

Rag an Arloedh a gemmer truedh a Yakob, ha dewis Ysrael arta, ha ri powes dhedha war aga thiredh. Alyons a jun gansa, ha glena orth chi Yakob.

Ysay 32:14

Rag an kastell a vydh forsakys, tervans an sita a dhifyk; Ofel ha'n tour-goelyas a vydh grugek bys vykken, lowena dhe asenes gwyls, peurva dhe flokkys,

Yeremia 23:3

Ha my a guntell remenant ow flokk yn-mes a'n tiryow ma's fesis ha'ga dri arta dh'aga horlann, hag i a dheg froeth ha kressya.

Yeremia 29:10

Rag yndellma y lever an Arloedh: Pan vydh kowlwrys deg blydhen ha tri-ugens yn Babylon, my a'gas visit, ha kewera ow ger da dhywgh ha'gas dri arta dhe'n tyller ma.

Yeremia 29:14

Ha my a'gas gas dhe'm kavoes, yn-medh an Arloedh, ha treylya agas kethneth, ha my a'gas kuntell a-dhiworth oll an kenedhlow hag oll an tylleryow ma'gas fesis, yn-medh an Arloedh, ha my a'gas dre arta dhe'n tyller ma'gas dannvenis dhiworto yn divroedh.

Yeremia 3:18

Y'n dydhyow na chi Yuda a wra kerdhes gans chi Ysrael, hag i a dheu war-barth yn-mes a dir an gogledh dhe'n tir a res rag eretons dh'agas tasow.

Yeremia 30:3

Rag, otta, an dydhyow a dheu, yn-medh an Arloedh may treylav kethneth ow fobel Ysrael ha Yuda, yn-medh an Arloedh, ha my a's dre arta dhe'n tir a res dh'aga thasow, hag i a's pew.

Yeremia 31:7

Rag yndellma y lever an Arloedh: Kenewgh gans lowena rag Yakob, ha drehevewgh garmow rag chyf an kenedhlow; gwarnyewgh, gormelewgh, ha leverel, ‘A Arloedh, saw dha bobel, remenant Ysrael.’

Yeremia 32:44

Parkow a vydh prenys gans arghans, ha titlow a vydh sinys ha selys ha destys, yn pow Benyamin, y'n tylleryow a-dro dhe Yerusalem, hag yn sitys Yuda, hag yn sitys an vro venydhyek, hag yn sitys an Shefela hag yn sitys an Negeb; rag my a dreyl aga hethneth, yn-medh an Arloedh.

Yeremia 33:12

Yndellma y lever Arloedh an luyow: Arta y'n tyller ma hag yw ynyal, heb den na best, hag yn oll y sitys, y fydh peurva rag bugeledh dhe ri powes dh'aga flokkys.

Yeremia 33:7

Ha my a dreyl kethneth Yuda ha kethneth Ysrael ha my a's dastrehav par dell ens wor'talleth.

Yeremia 47:5

Moelder re dheuth war Gaza, avlavar yw Ashkelon. A remenant an Anakim, pes termyn yth omhakkydh?

Ezekiel 39:25

Rakhenna yndellma y lever an Arloedh Duw: Lemmyn my a dreyl kethneth Yakob ha kemmeres truedh war oll chi Ysrael; ha my a vydh avius rag ow hanow sans.

Hosea 6:11

Ragos jy ynwedh, A Yuda, yma trevas settys, pan dreylyav kethneth ow fobel.

Obadia 1:19

Tus an Negeb a gemmer menydh Esaw yn perghennogeth, ha tus an Shefela a gemmer pow an Filistysi. I a gemmer tiredh Efraym ha tiredh Samaria, ha Benyamin a gemmer Gilead yn perghennogeth.

Mika 2:12

My a'th kuntell, A Yakob, oll yn tien, my a guntell remenant Ysrael; my a's gorr war-barth avel deves Bosra, avel flokk yn kres y beurva; dasseni a wra gans tus.

Mika 4:10

Gwynnel gwra yn payn ha skrija, A vyrgh Sion, avel benyn ow tineythi; rag lemmyn y hwre'ta mos yn-mes a'n sita ha triga y'n gwel; yth edh dhe Babylon. Ena y fydhydh sawys, ena an Arloedh a'th taspren a leuv dha eskerens.

Mika 4:7

hag a'n evredhyon y hwrav vy remenant; ha'n re a veu tewlys dhe skoell, kenedhel grev; ha'n Arloedh a reyn dresta yn menydh Sion alemma rag ha bynitha.

Sefania 2:9

Rakhenna ren ow bewnans, yn-medh Arloedh an luyow, Duw Ysrael, y fydh Moab kepar ha Sodom yn surredi, ha an Ammonysi kepar ha Gomorra, hwennek ha poll hoelan ha difeyth a bes vynitha: remenant ow fobel a's pyll, ha'n re gesys a'm kenedhel a erit aga thir.

Sefania 3:13

Ny wra remenant Ysrael sherewneth, na leverel gowyow; na ny vydh taves fekyl kevys yn aga ganow; rag i a beur ha growedha, ha denvyth ny wra dhedha perthi own.

Sefania 3:20

Y'n termyn na my a'gas dre, y'n termyn may hwrav a'gas kuntell: rag my a wra hanow ragowgh ha gormola yn mysk oll poblow an norvys, pan dreylyav agas kethneth a-dherag agas dewlagas, yn-medh an Arloedh.

Haggay 1:12

Ena Zerubbabel mab Shealtiel ha'n arghoferyas Yoshua mab Yosedek, gans oll remenant an bobel, a obayas lev an Arloedh aga Duw, ha geryow an profoes Haggay, dell y'n dannvonsa an Arloedh aga Duw, ha'n bobel a gemmeras own a-dherag an Arloedh.

Haggay 2:2

Lavar hemma dhe Zerubbabel mab Shealtiel, governour Yuda ha dhe'n arghoferyas Yoshua mab Yosedek, ha dhe remenant an bobel:

Luk 1:68

‘Benniges re bo an Arloedh, Duw Ysrael; rag ev re dheuth dhe weles y bobel ha'ga dasprena,

Luk 7:16

Hag own a's kemmeras oll, hag yth esens ow kormel Duw, ow leverel, ‘Profoes meur re sevis yn agan mysk’, ha ‘Duw re wrug vri a'y bobel.’

Oberow 8:26

Mes el an Arloedh a gewsis orth Felip, ow leverel, ‘Sav yn-bann ha ke troha'n dyghow y'n fordh ow mos war-nans dhiworth Yerusalem dhe Gaza.’ Hemm yw difeythtir.

Oberow 8:40

Mes Felip a veu kevys yn Azotus, hag ow mos dres an pow ev a bregowthas an aweyl y'n sitys oll bys pan dheuth dhe Sesarea.

Romanyon 11:5

Ytho yndella y'n eur ma yma remenant herwydh dewis a ras.

Ruth 1:6

Ha hi a sevis ha dehweles a diredh Moab, ha'y gohydhow gensi, drefenn hi dhe glewes yn tiredh Moab an Arloedh dhe wul vri a'y bobel, ow ri dhedha bara.