Sefania 2:5 - An Bibel Kernewek 20234 (Kernewek Kemmyn)

⁵ Go-i trigoryon an arvor, kenedhel an Kerethysi! Ger an Arloedh yw er agas pynn: A Kanan, bro an Filistysi, my a'th tistru ma na vydh triger gesys.

Sefania 2:5 ပူးပေါင်းရင်းမြစ်များ

Ysay 14:29

Na lowenha, Filistia, ty oll, drefenn bos dralys an welenn a'th weskis; rag dhiworth gwreydhenn an sarf y teu nader, ha'y frut a vydh sarf askellek.

Ysay 14:30

An re gynsa-genys a'n voghosogyon a beur, ha'n edhommogyon a wrowedh yn sawder. Mes my a dhistru dha gyf gans divoetter; ha ladha dha remenant.

Yeremia 47:7

Fatell yll bos kosel pan ros an Arloedh gorhemmynn? Erbynn Ashkelon hag erbynn an morrep – ena ev re'n erviras.

Ezekiel 25:16

rakhenna yndellma y lever an Arloedh Duw, Awottavy owth ystynn ow leuv erbynn an Filistysi, hag ow treghi an Kerethysi, hag ow tistrui remenant an arvor.

Amos 3:1

Klewewgh an ger ma a leveris an Arloedh er agas pynn, mebyon Ysrael, erbynn an teylu oll a wrugavy y dhri yn-mes a bow Ejyp, ow leverel:

Amos 5:1

Klewewgh an ger ma a dhrehavav er agas pynn, galargan, A ji Ysrael:

Sefania 1:11

Kynewgh, a drigoryon Maktesh, rag distruys yw oll an wikoryon, treghys dhe-ves yw an re a boes arghans.

Sefania 3:6

My re droghas an kenedhlow yn-mes: forsakys yw aga thouryow; my a dhifeythyas aga stretow ma na dremen denvyth: distruys yw aga sitys, heb denvyth, heb annedhyas.

Zekaria 1:6

Yn hwir, ow geryow ha'm ordenansow, a erghis dhe'm gwesyon an brofoesi, a ny dhrehedhsons dh'agas tasow? Ena i a gavas edrek ha leverel, ‘Par dell vynnas Arloedh an luyow gul dhyn rag agan fordhow ha'gan oberow, yndella y hwrug ev dhyn.’

Mark 12:12

Hag i a hwila settya dalghenn ynno, mes own a's teva a'n routh, rag i a wodhva ev dhe gewsel an barabolenn er aga fynn i, hag i a'n gasas, ha mos dhe-ves.

Yoshua 13:2

Hemm yw an tir yw gesys hwath: oll oryon an Filistysi, hag oll oryon an Geshurysi

Yoshua 13:3

a-dhiworth an Shihor, usi a'n howldrevel dhe Ejyp, dhe or Ekron a'n gledhbarth (reknys yw avel kananek, kyn fo dhe bymp gwahalyeth an Filistysi, a Gaza, a Ashdod, a Ashkelon, a Gath, hag a Ekron); tiredh an Avviysi

Breusysi 3:3

Pymp gwahalyeth an Filistysi, hag oll an Kananysi ha'n Sidonysi, ha'n Hivysi esa trigys war venydh Lebanon, dhiworth menydh Baal-hermon, bys Lebo-hamath.

1 Samuel 30:14

Ni a wrug omsettyans war Negeb an Kerethysi ha war an pyth a wra Yuda y bewa ha war Negeb Kaleb; ha ni a loskas Siklag gans tan.’