Sefania 2:11 - An Bibel Kernewek 20234 (Kernewek Kemmyn)

¹¹ Euthyk vydh an Arloedh dhedha: rag ev a danowha oll duwow an norvys ha tus a'n gordh, peub dhiworth y le, oll ynysow an kenedhlow.

Sefania 2:11 ပူးပေါင်းရင်းမြစ်များ

Jenesis 10:5

Dhiworth an re ma ynysow an kenedhlow a veu rynnys yn aga thiryow, peub war-lergh y daves, war-lergh aga theyluyow yn aga henedhlow.

Salmow 138:4

Oll myghternedh an nor a'th wormel, A Arloedh, rag i re glewas lavarow dha anow.

Salmow 72:17

Re dhurryo y hanow bys vykken; re bo y hanow fastys hedre vo an howl. Ena tus a omvennik dredho; an kenedhlow oll a'n gelow gwynnvys.

Salmow 86:9

Oll an kenedhlow a wrussys a dheu hag omblegya a-dheragos, A Arloedh, ha gordhya dha hanow.

Ysay 2:18

An idolys a dremen glan dhe-ves.

Ysay 2:20

Y'n jydh na den a dewl y idolys a arghans ha'y idolys a owr, an pyth a wrug pubonan dhodho y honan dhe wordhya, dhe'n godhow ha dhe'n ughsommyses,

Ysay 42:10

Kenewgh dhe'n Arloedh kan nowydh, y wormola dhiworth penn an norvys! Tarannes an mor ha pup-tra eus ynno, an arvoryow ha'ga thrigoryon.

Ysay 42:4

Ny fyll na ny vydh ev digolonnek, bys pan fastyo gwirvreus y'n norvys; ha'n arvoryow a worta y lagha.

Ysay 49:1

Goslowewgh orthiv, ynysow, klewewgh, A boblow, a bellder: an Arloedh a'm gelwis dhiworth an dorr, pan esen yn brys ow mamm ev a'm henwis.

Yeremia 10:11

Yndella hwi a lever dhedha: An duwow na wrug an nevow ha'n nor, i a dhe goll a-dhiworth an nor hag a-dhann an nevow ma.

Yeremia 46:25

Arloedh an luyow, Duw Ysrael, a leveris: Otta, my a dhre kessydhyans war Amon a Thebes, ha Faro, hag Ejyp, ha'ga duwow ha'ga myghternedh, war Faro ha'n re a fydh ynno.

Daniel 11:18

Ena y hwra treylya y fas war-tu ha'n ynysow, ha kemmeres lies anedha; mes kaslewydh a worfenn y donteth, hag ev a'n pren drefenn y donteth.

Hosea 2:17

My a gemmer henwyn an Baalim yn-mes a'y ganow, ha ny vydhons nevra kovhes orth aga henwyn.

Yoel 2:11

Ha'n Arloedh a wra dyllo y lev a-dherag y lu, rag y gaslys yw pur vras, ha krev yw ev neb a gollenow y er. Rag meur yw dydh an Arloedh ha pur euthyk; ha piw a yll y berthi?

Sefania 1:4

My a ystynn ow leuv erbynn Yuda hag erbynn an drigoryon oll a Yerusalem; ha my a dregh remenant Baal dhiworth an tyller ma ha hanow an Kemarim gans an oferysi;

Sefania 3:9

Rag ena my a dhaskorr gweusyow pur dhe'n poblow may halwons i oll war hanow an Arloedh rag y servya gans unn akord.

Zekaria 13:2

Y'n jydh na, yn-medh Arloedh an luyow, my a wra dilea henwyn an imajys dhiworth an tir, ha ny vydhons kovhes byth moy; ynwedh my a wra gorra dhe-ves a'n tir an brofoesi ha'n spyrys avlan.

Zekaria 2:11

Lies kenedhel a vydh junys dhe'n Arloedh y'n jydh na hag i a vydh ow fobel. My a wra triga y'th fysk ha hwi a woer y hwrug Arloedh an luyow ow dannvon dhis.

Zekaria 8:20

Yndellma y lever Arloedh an luyow: Hwath poblow a dheu, ha trigoryon lies sita;

Zekaria 8:23

Yndellma y lever Arloedh an luyow: Y'n dydhyow na deg gour dhiworth oll yethow an kenedhlow a dhalghenn lostenn an goen a wour yedhowek, ow leverel, ‘Deun ni genowgh hwi, rag ni re glewas bos Duw genowgh.’

Malaki 1:11

Rag meur yw ow hanow yn mysk an kenedhlow, dhiworth an howldrevel ha bys an howlsedhes, hag yn pub le yma ynkys offrynnys dhe'm hanow, hag offrynn pur, rag meur yw ow hanow yn mysk an kenedhlow, yn-medh Arloedh an luyow.

Malaki 1:14

Mollothek yw an toeller a'n jeves gorow y'n gre ha dedhewi y ri, hag ena ev a sakrifi dhe'n Arloedh neppyth gans namm warnodho. Rag myghtern meur ov vy, yn-medh Arloedh an luyow, ha'm hanow yw ownys yn mysk an kenedhlow.

Dewteronomi 32:38

neb a dhybris blonek aga sakrifisow, hag eva gwin aga offrynnow diwes? Sevens dh'agas gweres, ha bos skovva ragowgh.

1 Timothi 2:8

Ytho, my a vynn may hwrello pysi an wer yn pub le, ow trehevel diwla sans heb sorr na disputyans.

Diskwedhyans 11:15

Ha'n seythves el a hwythas an hirgorn, hag yth esa levow bras yn nev ow leverel, ‘Gwlaskor an bys ma res eth ha bos gwlaskor agan Arloedh ha'y Grist, hag ev a reyn trank heb worfenn.’