Sefania 1:9 - An Bibel Kernewek 20234 (Kernewek Kemmyn)

⁹ Y'n jydh na my a gessydh oll an re a lamm dres an treudhow, neb a lenow chiow aga arloedh gans garowder ha gil.

Sefania 1:9 ပူးပေါင်းရင်းမြစ်များ

Nehemia 5:15

Mes an governours kyns, re bia kyns ow thermyn vy, a settsa beghyow poes war an bobel ha kemmeres dhiworta dew-ugens shekel a arghans war-barth gans boes ha gwin. Aga servysi ynwedh a lordya war an bobel. Mes ny wrug vy yndella rag own Duw.

Lavarow Koth 29:12

Mar koslow rewler orth gow, y soedhogyon oll a vydh tebelwesyon.

Yeremia 5:27

Par dell yw kowell leun a ydhyn, yndellma aga chiow yw leun a doell: rakhenna i a dheu ha dos meur, ha tevi kevoethek.

Amos 3:10

Ny wodhons fara ewn, yn-medh an Arloedh, an re a guntell yn aga falesyow preydh aga garowder ha ladrans.

Mika 6:12

Tus rych an sita yw leun a freudh; hag yma hy thrigoryon ow kowleverel, ha'ga thaves yw fekyl yn aga ganow.

Zekaria 5:6

My a wovynnas, ‘Pandra yw?’ Ev a worthybis, ‘Efa yw, ow mos yn-mes.’ Hag yn-medh ev, ‘Hemm yw aga feghes der oll an tir.’

Oberow 16:19

Ha'y mestrysi, ow kweles bos gyllys govenek aga gwayn, a dhalghennas Powl ha Silas ha'ga thenna dhe blen an varghas a-rag an rewloryon,

Breusysi 19:27

Hy mester a sevis myttin hag a igoras darasow an chi, ha pan eth yn-mes rag mos war y fordh, otta y iswreg a'y growedh orth daras an chi, ha'y diwleuv war an treudhow.

1 Samuel 5:5

Rakhenna ny wra oferysi Dagon, na denvyth a enter a-bervedh yn chi Dagon, trettya war dreudhow Dagon bys y'n jydh hedhyw.