Sefania 1:8 - An Bibel Kernewek 20234 (Kernewek Kemmyn)

⁸ Hag y hwyrvydh yn dydh sakrifis an Arloedh, my dhe gessydhya an bennternedh, ha mebyon an myghtern, hag oll an re yw gwiskys yn dillas estren.

Sefania 1:8 ပူးပေါင်းရင်းမြစ်များ

2 Myghternedh 10:22

Ev a leveris dhe withyas an dhillasva, ‘Doroy an goenyow rag oll gordhyoryon Baal.’ Ytho ev a dhros an goenyow ragdha.

Ysay 10:12

Ytho pan dhiwedh an Arloedh oll y ober war venydh Sion hag yn Yerusalem, my a gessydh frut kolonn goethus myghtern Assyria, ha balghder y dhewlagas howtyn.

Ysay 2:6

Rag ty re forsakyas dha bobel, chi Yakob, drefenn i dhe vos leun a hudoryon dhiworth an howldrevel, hag a goelyogyon, kepar ha'n Filistysi, hag i a shak diwleuv gans fleghes estrenyon.

Ysay 24:21

Y'n jydh na an Arloedh a gessydh lu an re ughel usi a-ugh, ha myghternedh an tir usi war an dor.

Ysay 39:7

Hag i a gemmer re a'th vebyon, dha askorr hag a vydh genys dhis, hag i a vydh spadhesigyon yn palys myghtern Babylon.’

Habakkuk 1:10

Hag i a skorn an vyghternedh, ha ges yw pennternedh ragdha: i a hwerth orth pub ker; i a wra tommenn rag hy hemmeres.

Dewteronomi 22:5

Na wiskes benyn dillas gour, ha gour na wiskes mantell benyn, drefenn kasadow dhe'n Arloedh yw pubonan a wra henna.