Sefania 1:18 - An Bibel Kernewek 20234 (Kernewek Kemmyn)

¹⁸ Naneyl aga arghans na'ga owr a yll aga delivra yn dydh sorr an Arloedh; ha gans tan y avi an norvys oll a vydh devorys: rag ev a wra diwedh leun, yn sur neppyth euthyk, a beub eus trigys y'n norvys.

Sefania 1:18 ပူးပေါင်းရင်းမြစ်များ

Jenesis 6:7

Hag yn-medh an Arloedh, ‘My a vynn diswul dhiworth enep an dor an den a wrug vy y formya: den ha best ha pryv hag ydhyn an ayr, rag edrek a'm beus y hwrug vy aga gul.’

1 Myghternedh 14:22

Yuda a wrug an pyth o drog yn golok an Arloedh; i a'n brovokyas dhe avi gans an peghosow a wrussons, moy ages pup-tra re wrussa aga thasow.

Job 21:30

bos an drogober gwithys dhiworth dydh an distruyans, ha bos delivrys dhiworth dydh an konnar?

Job 3:15

po gans pennsevigyon a's tevo owr, a lenwis aga chiow a arghans.

Salmow 78:58

Rag i a'n sorras gans aga thylleryow ughel, hag a wrug dh'y avi sevel der aga imajys gravys.

Salmow 79:5

Pygemmys prys, A Arloedh? A vydhydh serrys bynitha? A lesk dha avi avel tan?

Lavarow Koth 11:4

Nyns eus prow a rychys yn dydh a sorr, mes ewnder a dhelirv a ankow.

Lavarow Koth 18:11

Pythow an den rych yw y sita grev, hag avel fos ughel yn y gonsayt y honan.

Ysay 1:24

Rakhenna y lever an Arloedh, Arloedh an luyow, an Galloesek a Ysrael: Ogh, my a vydh konfortys drefenn ow envi, ha tyli dial war ow eskerens.

Ysay 10:17

Golow Ysrael a vydh avel tan, ha'y Sans avel flamm; hag ev a lesk ha devorya y spedhas ha'y spern yn unn jydh.

Ysay 10:3

Pandr'a wrewgh yn dydh kessydhyans, hag y'n annawel a dheu a bellder? Piw y poenyowgh dhodho rag gweres, ha ple hwrewgh gasa agas golewder,

Yeremia 7:20

Ytho yndellma y lever an Arloedh Duw: Otta, ow sorr ha'm konnar a vydh dinewys war an tyller ma, war dhen ha vest, ha war wydh an mes, ha war frut an dor; ha leski a wra, ha ny vydh difeudhys.

Yeremia 7:34

Ena my a wra dhe hedhi a-dhiworth sitys Yuda, ha dhiworth stretow Yerusalem, lev lowender, ha lev heudhder, lev an gour pries, ha lev an venyn bries: rag an tir a vydh ynyal.

Yeremia 9:11

Ha my a wra dhe Yerusalem bos kalsow meyn, ha fow owrgeun; ha my a wra dhe sitys Yuda bos ynyal, heb annedhyas.

Ezekiel 16:38

My a'th vreus gans breus avoutres ha'n re a skoell goes; ha my a dhre warnas an goes a sorr hag avi.

Ezekiel 23:25

My a sett ow avi er dha bynn, hag i wra dha dhyghtya yn sorr. I a dregh dha droen ha'th tiwskovarn, ha'n re gesys war dha lergh a goedh der an kledha. I a gemmer dha vebyon ha'th vyrghes, ha piwpynag yw gesys dhis a vydh konsumys gans tan.

Ezekiel 7:11

Freudh re devis avel gwelenn a sherewynsi; ny vydh gesys nagonan anedha, nagonan a'ga routh, na travyth a'ga golusogneth, na travyth a bris ynna.

Ezekiel 7:19

I a dewl aga arghans y'n stretys, ha'ga owr a vydh pyth avlan. Ny yll aga arghans na'ga owr aga delivra yn dydh konnar an Arloedh. Ni yllons kavoes lowr rag aga enev, na lenwel aga thorr, rag y feu sklander a's ledyas yn anewnder.

Ezekiel 7:5

Yndellma y lever An Arloedh Duw: Anfeusi, unn anfeusi, otta re dheuth!

Sefania 1:11

Kynewgh, a drigoryon Maktesh, rag distruys yw oll an wikoryon, treghys dhe-ves yw an re a boes arghans.

Sefania 1:15

Dydh a sorr yw an jydh na, dydh anken hag ankres, dydh arnow ha difeyth, dydh tewlder ha tewlwolow, dydh kommol ha tewlyjyon,

Sefania 2:2

kyns an arghadow dhe vos dineythys, kyns an jydh dhe dremena avel kulyn, kyns sorr fers an Arloedh dhe dhos warnowgh, kyns dydh sorr an Arloedh dhe dhos warnowgh.

Sefania 3:8

Rakhenna gwrewgh ow gortos, yn-medh an Arloedh, bys y'n jydh pan savav avel dustunier: rag kuntell an kenedhlow yw ow bodh may keskorrav an gwlaskordhow rag dinewi warnedha ow sorrvann, oll ow sorr fers; rag oll an norvys a vydh devorys gans tan ow avi.

Matthew 16:26

Rag py les a vydh dhe dhen mar kwra ev gwaynya oll an bys mes ev a gyll y enev y honan? Po pandr'a wra den y ri yn attal rag y enev?

1 Korinthianys 10:22

A wren ni gul dhe'n Arloedh perthi avi? On ni kreffa agesso ev?

Dewteronomi 31:17

Ow sorr a dheu warnedha y'n jydh na, ha my a's forsak, ha kudha ow fas dhiworta, hag i a vydh devorys. Lies drog hag ahwer i a's kyv, may leverons y'n jydh na, “A nyns yw rag nag usi agan Duw yn agan mysk, y teuth an drogow warnan?”