Sefania 1:13 - An Bibel Kernewek 20234 (Kernewek Kemmyn)

¹³ Aga rychys a dheu ha bos preydh, ha'ga chiow forsakys: i a dhrehav chiow heb triga ynna, hag i a blans gwinlannow heb eva aga gwin.

Sefania 1:13 ပူးပေါင်းရင်းမြစ်များ

Ysay 6:11

Ena my a leveris, ‘Pes termyn, A Arloedh?’ Hag ev a leveris, ‘Bys pan vydh sitys diswrys, heb annedhyas, ha chiow heb den, ha'n tir distruys ha difeyth;

Yeremia 15:13

Dha gevoeth ha'th tresoryow a rov avel preydh heb kost, rag oll dha beghosow, dres oll dha diredh.

Yeremia 17:3

ha war an menydhyow y'n mes. Dha wolusogneth ha'th tresoryow oll y rov dhe breydh, avel gober rag pegh, yn oll dha diryow.

Yeremia 4:20

Distruyans a siw distruyans; rag oll an tir yw diswrys: distowgh ow thyldow yw diswrys, ha'm kroglennow yn hwers.

Yeremia 4:7

An lew yw devedhys yn-bann a-dhiworth y brysk, hag yma distruer an kenedhlow war y fordh: ev yw gyllys yn-rag a-dhiworth y dyller dhe wul dha dir ynyal; ha dha sitys a vydh gwastys, heb annedhyas.

Yeremia 5:17

I a wra dybri dha drevas, ha'th vara, a dalvia bos dybrys gans dha vebyon ha'th vyrghes: i a wra dybri dha flokkys ha'th greow; i a wra dybri dha winbrennyer ha'th figys; i a wra terri dhe demmyn dha sitys kerys, ynna may fydhsys, der an kledha.

Yeremia 9:11

Ha my a wra dhe Yerusalem bos kalsow meyn, ha fow owrgeun; ha my a wra dhe sitys Yuda bos ynyal, heb annedhyas.

Yeremia 9:19

Rag lev kynvann yw klewys yn-mes a Sion, ‘Ass on ni diswrys! meth meur a'gan beus, drefenn ni dhe asa an tir, drefenn i dhe dewlel dhe'n dor agan annedhow.’

Kynvannow 5:2

Agan ertach re beu treylys dhe estrenyon, agan chiow dhe alyons.

Ezekiel 22:31

Ytho my a dhiveris ow sorrvann warnedha; my re's konsumyas gans tan ow honnar; my re attylis aga fordh war aga fenn aga honan, yn-medh an Arloedh Duw.

Ezekiel 7:19

I a dewl aga arghans y'n stretys, ha'ga owr a vydh pyth avlan. Ny yll aga arghans na'ga owr aga delivra yn dydh konnar an Arloedh. Ni yllons kavoes lowr rag aga enev, na lenwel aga thorr, rag y feu sklander a's ledyas yn anewnder.

Ezekiel 7:21

My a'n re yn dorn estrenyon avel preydh, ha dhe debeles an norvys avel da pyllys, hag i a'n defol.

Ezekiel 7:24

My a dhre an gwetha a'n kenedhlow hag i a erit aga chiow; my a wra diwedh dhe woeth an re grev, ha'ga sentris a vydh defolys.

Amos 5:11

Rakhenna, drefenn hwi dhe stankya war an boghosek ha kemmeres dhiworto trubyt a ys, kyn trehevsowgh chiow a ven treghys, ny wrewgh triga ynna; hwi re blansas gwinlannow teg, mes ny evowgh aga gwin.

Mika 3:12

Rakhenna, a-barth dhywgh hwi, Sion a vydh erys par ha gwel; Yerusalem a dheu ha bos bern a vagoryow, Arloedh ha menydh an chi a vydh drumm gwydhyel.

Mika 6:15

Ty a wra hasa mes ny vysydh; ty a wra trettya olivennow, mes ny omuntydh gans oyl; ty a wra trettya grappys, mes ny evydh gwin.

Sefania 1:9

Y'n jydh na my a gessydh oll an re a lamm dres an treudhow, neb a lenow chiow aga arloedh gans garowder ha gil.

Dewteronomi 28:30

Ty a vydh ambosys dhe venyn, ha gour arall a's defol; ty a dhrehav chi, mes ny drigydh ynno; ty a blans gwinlann, mes ny wredh devnydh anedhi.

Dewteronomi 28:39

Ty a blans gwinlannow ha gonedha, mes ny evydh gwin na guntell grappys, drefenn an pryv dh'aga dybri.

Dewteronomi 28:51

hag ev a dheber leughi dha vestes hag askorr dha dir bys may hwrello dha dhistrui; ny as ragos ys, gwin nag olew, leughi dha jatel nag eyn dha flokk bys may hwrello dha dhistrui.