Sefania 1:10 - An Bibel Kernewek 20234 (Kernewek Kemmyn)

¹⁰ Hag y'n jydh na, yn-medh an Arloedh, y fydh son a gri dhiworth Yet an Puskes, hag oulyans dhiworth an Nessa Kwartron, ha son bras an terroes dhiworth an breow.

Sefania 1:10 ပူးပေါင်းရင်းမြစ်များ

2 Samuel 5:7

Mes Davydh a gemmeras dinas Sion, yw lemmyn sita Davydh.

2 Samuel 5:9

Ena Davydh a dhallathas triga y'n dinas, hag ev a'n henwis sita Davydh. Davydh a dhrehevis a-derdro dhiworth an Millo ha war-ji.

2 Myghternedh 22:14

Ytho Hilkia an oferyas, Ahikam, Akbor, Shafan, hag Asaya eth dhe Hulda an brofoeses, gwreg Shallum mab Tikva mab Harhas, gwithyas an dhillasva; yth esa hi trigys yn Yerusalem y'n Nessa Kwartron, hag i a gewsis orti.

2 Kroniklys 3:1

Solomon a dhallathas drehevel chi an Arloedh yn Yerusalem war venydh Moria, le may omdhiskwedhsa an Arloedh dh'y das Davydh, y'n tyller a dharbarsa Davydh war leur-drushya Ornan an Yebusyas.

2 Kroniklys 32:22

Yndella an Arloedh a sawyas Hezekia ha trigoryon Yerusalem a leuv Sennagherib myghtern Assyria hag a leuv oll y eskerens; ev a ros dhedha powes a bub tu

2 Kroniklys 33:14

Wosa henna ev a dhrehevis fos tu a-ves rag sita Davydh, a'n howlsedhes dhe nans Gihon, owth hedhes dhe'n entrans Yet an Puskes; ev a's gorras a-dro dhe Ofel, hag a's drehevis dhe ughelder bras. Ev a worras ynwedh kaslewydhyon an lu yn oll an sitys kerys yn Yuda.

2 Kroniklys 34:22

Ytho Hilkia ha'n re re bia dannvenys gans an myghtern eth dhe'n brofoeses Hulda, gwreg Shallum mab Tokkath mab Hasra, gwithyas an dhillasva, esa trigys yn Yerusalem y'n Nessa Kwartron, hag i a gewsis dhedhi yndella.

Nehemia 12:39

hag a-ugh Yet Efraym, ha ryb an Yet Koth, ha ryb Yet an Puskes ha Tour Hananel ha Tour an Kans, dhe Yet an Deves; hag i a hedhis orth Yet an Withysi.

Nehemia 3:3

Yet an Puskes a veu dastrehevys gans mebyon Hassenaa a worras ynwedh hy jistys ha desedha hy darasow, hy ebilyer, ha'y barrys.

Ysay 59:11

Ni oll a romm avel orses, ha kyni avel kelemmi. Ni a worta gwirvreus mes nyns eus; ni a worta selwyans mes pell yw ahanan.

Yeremia 39:2

y'n unnegves blydhen a Sedekia, y'n peswora mis, yn nawves dydh an mis, aswa a veu terrys yn fos y'n sita.

Yeremia 4:31

Rag my re glewas lev avel benyn yn lavur, ha'n gloesow avelli hi neb a dhineyth hy hynsa flogh, lev myrgh Sion, ow tyena rag anall, ow lesa hy diwleuv, ‘Go-vy! Klamdera a wrav drefenn ladhoryon.’

Ezekiel 6:13

Ena hwi a woer my dhe vos an Arloedh, pan vydh aga re ledhys yn mysk aga idolys a-dro dh'aga alteryow, war bub bronn ughel, war oll pennow an menydhyow, hag yn-dann bub gwydhenn las, hag yn-dann bub terebinthenn dhelyek, le may rosons ena sawer plegadow dhe oll aga idolys.

Amos 8:3

Kanow an tempel a dheu ha bos oelva y'n jydh na, yn-medh an Arloedh Duw. Y fydh meur a gorfow marow, tewlys a-dro yn pub le: taw!

Sefania 1:15

Dydh a sorr yw an jydh na, dydh anken hag ankres, dydh arnow ha difeyth, dydh tewlder ha tewlwolow, dydh kommol ha tewlyjyon,

Sefania 1:7

Taw yn lok an Arloedh Duw: rag ogas yw dydh an Arloedh. Rag an Arloedh re bareusis sakrifis, ev re sanshas y westoryon.