Salmow 98:9 - An Bibel Kernewek 20234 (Kernewek Kemmyn)

⁹ a-dherag an Arloedh, rag ev a dheu dhe vreusi an norvys. Ev a vreus an norvys gans gwiryonedh, ha'n poblow gans ewnder.

An Sowter 1997 2023

⁹ Takyes an livow diwleuv, garmes an menydhyow war-barth yn lowen a-dherag an Arloedh : rag ev a dheu dhe vreusi an norvys.

Salmow 98:9 ပူးပေါင်းရင်းမြစ်များ

Salmow 67:4

Bedhes an kenedhlow heudhik ha garma yn lowen, rag ty a vreus an poblow gans ewnder, ha kevarwoedha an kenedhlow war an nor. Sela.

Salmow 7:9

Bedhes diwedh dhe dhrogober an debeles, mes ty gwra fastya an den gwiryon, ty neb a brev an kolonnow ha'n lonethi, an Duw gwiryon.

Salmow 72:2

Re vreusso ev dha bobel gans ewnder, ha'th voghosogyon gans gwirvreus.

Salmow 9:9

An Arloedh ynwedh a vydh dinas dhe'n den truan, dinas yn prysyow anken.

Salmow 96:10

Leverewgh yn mysk an kenedhlow, ‘Yma an Arloedh ow reynya! An nor devri yw fastys, ma na yllir y dhisevel; ev a vreus an poblow gans ewnder.’

Salmow 96:13

a-dherag an Arloedh; rag ev a dheu, ev a dheu dhe vreusi an norvys. Ev a vreus an norvys gans ewnder, ha'n poblow gans y lelder.

Ysay 5:16

Mes Arloedh an luyow a vydh ughelhes yn gwirvreus, ha'n Duw sans a vydh sanshes yn ewnder.

Oberow 17:31

drefenn ev dhe settya dydh may hwra breusi an bys yn ewnder, dre wour neb re apoyntyas, ow profya mewgh dhe oll, orth y dhrehevel dhiworth an re varow.’

Oberow 24:25

Hag ev ow kul areth a-dro dhe ewnder hag omrewl ha'n vreus ow tos, Feliks eth ha bos ownek, ha gorthybi, ‘Y'n tor' ma, ty ke; mes my a wra dannvon war dha lergh pan eus dhymm spas.’

Diskwedhyans 1:7

Awotta, ev a dheu gans an kommol; ha pub lagas a wra y weles, ha'n re ynwedh a'n gwanas; hag oll kenedhlow an norvys a wra kyni warnodho. Ya, Amen.