Salmow 97:11 - An Bibel Kernewek 20234 (Kernewek Kemmyn)

¹¹ Golow a dardh rag an re wiryon, ha lowena rag an re ewnhynsek aga holonn.

An Sowter 1997 2023

¹¹ Golow a dardh rag an re wiryon : ha lowena rag an re ewnhynsek aga holonn.

Salmow 97:11 ပူးပေါင်းရင်းမြစ်များ

Ester 8:16

Dhe'n Yedhewon yth esa golow ha heudhder, ha lowender hag enor,

Job 11:17

Dha vewnans a vydh dergha ages howl an hanter-dydh; y dewlder a vydh kepar ha'n myttin.

Job 22:28

Dha erviransow a vydh gwrys, ha golow a splann war dha fordhow.

Salmow 112:4

Dhe'n re ewnhynsek y sev golow y'n tewlder; ev yw grassyes ha truedhek ha gwiryon.

Salmow 18:28

Rag ty a enow ow lugarn; an Arloedh ow Duw a wra dhe'm tewlder splanna.

Salmow 68:4

Kenewgh dhe Dhuw, kenewgh gormola dh'y hanow ev; drehevewgh kan dhe neb a varghok war an nevow; an Arloedh yw y hanow; bedhewgh heudhik a-dheragdho.

Lavarow Koth 4:18

Mes hyns an re wiryon yw haval dhe wolow dydh-tardh, hag a splann dhe splanna ha dhe splanna bys yn hanter-dydh.

Ysay 58:8

Ena dha wolow a dardh avel an bora, ha'th yaghheans a egin dihwans, ha'th ewnder a gerdh a-ragos; glori an Arloedh a vydh dha withyas dhelergh.

Ysay 62:1

Rag Sion ny dawav vy, ha rag Yerusalem ny vydhav kosel bys pan a hy ewnder yn-mes avel golewder ha'y selwyans avel faglenn ow flammya.

Mika 7:9

My a berth sorrvann an Arloedh, drefenn re beghis er y bynn, bys pan bled ow hen ha gul breus ragov. Ev a'm hembronk y'n golow; y hwelav y ewnder.

Yowann 12:46

Devedhys ov y'n bys kepar ha golow, rag na wrello piwpynag a grysso ynnov vy triga yn tewlder.

Galatianys 6:8

rag neb a wra hasa dh'y gig y honan, dhiworth an kig ev a wra mysi podredhes; mes neb a wra hasa dhe'n Spyrys, dhiworth an Spyrys y hwra ev mysi bewnans heb diwedh.

Diskwedhyans 21:23

Ha dhe'n sita nyns esa edhomm a'n howl nag a'n loer dhe splanna ynni, rag splannder Duw a's golowi, ha'n Oen yw hy lugarn.

Diskwedhyans 22:5

Ha ny vydh nos namoy; ha nyns eus edhomm a wolow lugarn po golow howl; drefenn an Arloedh Duw dhe wolowi warnedha: hag i a wra reynya trank heb worfenn.