Salmow 94:8 - An Bibel Kernewek 20234 (Kernewek Kemmyn)

⁸ Ombreder, hwi anfur yn mysk an bobel; ha hwi an re dalsogh, p'eur fydhowgh fur?

An Sowter 1997 2023

⁸ Ombreder, hwi anfur yn mysk an bobel : ha hwi an re dalsogh, p'eur fydhowgh fur?

Salmow 94:8 ပူးပေါင်းရင်းမြစ်များ

Salmow 49:10

Rag ev a wel tus skiansek dhe verwel, ha'n den anfur ha'n talsogh keffrys a dhe goll, ha gasa aga fythow dhe dus erell.

Salmow 73:22

Mar dalsogh en vy, ha diskians; kepar ha lodhen en vy a-dheragos.

Salmow 92:6

Ny woer gour talsogh, ha ny gonvedh den foll hemma.

Lavarow Koth 1:22

‘A hwi sempel, pes termyn y kerowgh hwi sempledh? Pes termyn y fynn skornyoryon lowenhe yn aga skornya ha fellyon kasa godhvos?

Lavarow Koth 12:1

Neb a gar dyskybleth a gar godhvos, mes neb a gas keredh yw talsogh.

Lavarow Koth 8:5

A hwi sempel, dyskewgh felder; A dus foll, re'n konvettho agas kolon.

Ysay 27:11

Pan yw sygh hy skorrow, yth yns terrys dhe-ves; benynes a dheu ha'ga enowi. Rag homm yw pobel heb konvedhes; rakhenna ny gemmer aga Kreador truedh anedha, ha ny dhiskwedh aga Gwrier favour dhedha.

Yeremia 10:8

Mes i yw ha gokki ha foll; dyskans idolys a brenn yw euveredh.

Romanyon 3:11

ny gonvedh denvyth, ny hwila denvyth Duw.

Dewteronomi 32:29

Unnweyth a pens fur ha konvedhes hemma, ha dissernya aga fin!

Titus 3:3

Rag ni ynwedh o foll, diwostydh, toellys, kethwesyon dhe drokhwansow ha plesours divers, ow pewa yn atti hag avi, kasadow, hag ow kasa an eyl y gila.