Salmow 94:21 - An Bibel Kernewek 20234 (Kernewek Kemmyn)

²¹ I a omguntell war-barth erbynn enev an den gwiryon, ha dampnya an goes glan.

An Sowter 1997 2023

²¹ I a omguntell war-barth erbynn enev an den gwiryon : ha dampnya an goes glan.

Salmow 94:21 ပူးပေါင်းရင်းမြစ်များ

1 Myghternedh 21:19

Ty a lever dhodho, ‘Yndellma y lever an Arloedh: A ledhsys, hag ynwedh kemmeres perghennogeth?’ Ty a lever dhodho, ‘Yndellma y lever an Arloedh: Y'n tyller may lapyas an keun goes Naboth, keun a lap dha woes ynwedh.’

2 Kroniklys 24:21

Mes i a vrasas er y bynn, ha der arghadow an myghtern i a'n labydhas gans meyn yn klos chi an Arloedh.

Salmow 106:38

ha skoellya goes gwiryon, goes aga mebyon ha'ga myrgh, neb a offrynnsons dhe dhuwow Kanan; ha'n tir a veu defolys gans goes.

Salmow 22:16

Rag keun re dheuth a-dro dhymm; kuntelles an debeles re'm keas; i re wanas ow diwleuv ha'm treys.

Salmow 56:6

I a omguntell, i a omgel, i a verk ow hammow, pan gontrewaytyons ow enev.

Salmow 59:3

Rag otta, i a gontrewayt ow enev; an re alloesek a omguntell er ow fynn. Heb kammweyth na pegh genev, A Arloedh,

Eksodus 23:7

Omwith pell a fals jarj, ha na wra ladha an ewnhynsek na'n gwiryon; rag ny akwityav den kablus.

Lavarow Koth 1:11

Mar leverons, ‘Deus genen, gwren kontrewaytya rag kavoes goes; gwren ni skolkya dhe vaglenna an den gwiryon heb ken;

Lavarow Koth 1:16

rag aga threys a boen dhe dhroktra, hag i a fysk rag skoellya goes.

Lavarow Koth 17:15

Neb a akwit an tebelwas ha neb a dhampen an den gwiryon, aga dew yw tra gasadow dhe'n Arloedh.

Yeremia 26:15

Mes godhvydhewgh yn sur, mara'm gorrowgh dhe'n mernans, hwi a dhre goes gwiryon warnowgh agas honan ha war an sita ma ha'y annedhysi, rag yn gwiryonedh an Arloedh re'm dannvonas dhe gewsel oll an geryow ma yn agas skovornow.’

Ezekiel 22:12

Ynnos i re gemmeras falswober dhe skoellya goes; ty re gemmeras oker ha goroker, ha kemmeres gwayn dhiworth dha gentrevek der arwask, ha ty re'm ankevsys, yn-medh an Arloedh Duw.

Ezekiel 22:27

Hy fennsevigyon ynni yw avel bleydhi ow terri preydh, ow skoellya goes dhe dhistrui enevow may kaffons gwayn anewn.

Ezekiel 22:6

Otta ynnos re beu pennsevigyon Ysrael, pubonan herwydh y nerth ow skoellya goes.

Daniel 6:8

Lemmyn, A vyghtern, dyllo an difenn ha sin an skrifenn, rag na allo bos chanjys, herwydh lagha an Medys ha'n Persianys, na yll bos daskelwys.’

Matthew 27:1

Ha ternos vyttin, oll an bennoferysi ha henavogyon an bobel a wrug omgusulyans erbynn Yesu rag y worra dhe'n mernans;

Matthew 27:4

ow leverel, ‘My re beghas a-ban draytis goes gwiryon.’ Yn-medhons i, ‘Pandr'yw henna dhyn ni? Ty dha honan preder anodho.’

Oberow 7:52

Py re a'n brofoesi ny veu helghys gans agas tasow? Hag i a ladhas an re a dharganas an Den Gwiryon dhe dhos, hag anodho ev hwi lemmyn res eth ha bos traytours ha moldroryon,

Jamys 5:6

Hwi re dhampnyas ha ladha an den gwiryon; ny sev ev orthowgh.

Diskwedhyans 17:6

Ha my a welas an venyn, medhow der woes an syns ha dre woes mertheryon Yesu. Ha marth meur dres eghenn a veu genev pan y's gwelis.