Salmow 92:3 - An Bibel Kernewek 20234 (Kernewek Kemmyn)

³ War dhaffar a dheg kordenn ha war an delynn, war an sowtri hweg y don.

An Sowter 1997 2023

³ War dhaffar a dheg kordenn ha war an sowtri : war an delynn hweg hy thon.

Salmow 92:3 ပူးပေါင်းရင်းမြစ်များ

1 Kroniklys 13:8

Davydh hag oll Ysrael a lowenhas dherag Duw gans oll aga nerth, gans kanow, ha sowtris, telynnow, tabourigow, symbalys ha hirgern.

1 Kroniklys 15:16

Davydh a erghis dhe ledyoryon an Levysi apoyntya aga breder avel kanoryon gans daffar menestrouthi, telynnow, sowtris ha symbalys, ow trehevel son lowena.

1 Kroniklys 23:30

Pub myttin i a sev ow ri grasow ha gormel dhe'n Arloedh, ha keffrys yn gorthugher,

1 Kroniklys 25:6

Yth esa oll an re ma yn-dann gevarwoedhyans aga thasow rag an menestrouthi yn chi an Arloedh, gans symbalys, sowtris ha telynnow, rag an servis yn chi Duw. Yth esa Asaf, Yeduthun, ha Heman yn-dann worvirans an myghtern.

2 Kroniklys 20:28

I a dheuth dhe Yerusalem, gans telynnow ha gans sowtris ha gans hirgern, dhe ji an Arloedh.

2 Kroniklys 23:5

unn tressa rann a vydh orth chi an myghtern, hag unn tressa rann orth Yet an Sel; hag oll an bobel a vydh yn klosyow chi an Arloedh.

2 Kroniklys 29:25

Ev a dhesedhas an Levysi yn chi an Arloedh gans symbalys, telynnow ha sowtris, herwydh gorhemmynn Davydh ha Gad, gwelesydh an myghtern ha Nathan an profoes; rag y feu an gorhemmynn dhiworth an Arloedh der y brofoesi.

Nehemia 12:27

Orth sakrans fos Yerusalem i a hwilas an Levysi yn oll aga thylleryow ha'ga dri bys yn Yerusalem dhe solempnya an sakrans gans lowena ha gans grasyans ha kana, gans symbalys, telynnow, ha sowtris.

Salmow 149:3

Gormelens i y hanow y'n dons, kanens gormola dhodho gans tabourik ha sowtri.

Salmow 33:2

Gormelewgh an Arloedh gans sowtri; kenewgh gormola dhodho gans telynn a dheg kordenn.

Salmow 42:9

My a lever dhe Dhuw ow harrek, ‘Prag re'm ankevsys? Prag yth av vy ow kyni, ha'n eskar orth ow gwaska?’

Salmow 57:8

Difun, ow gordhyans; difunewgh, telynn ha sowtri; my a dhifun orth dydh-tardh.

Salmow 68:25

An ganoryon eth a-rag, an menestrouthi gans daffar kerdyn eth a-dryv, yn aga mysk yth esa morenyon ow tonsya gans tabouryow.

Salmow 9:16

Aswonnys yw an Arloedh, ev re wrug breus; an tebelwas yw maglennys gans ober y dhiwleuv y honan. Higgayon. Sela.

1 Samuel 10:5

Wosa henna ty a dheu dhe Gibeath-elohim le may ma savla-gwithysi an Filistysi. Ena, wosa ty dhe dhos di dhe'n sita, ty a dhyerbynn bagas a brofoesi ow tos yn-nans dhiworth an tyller ughel, hag a-ragdha telynn ha tabourik, ha pib, ha sowtri, hag i a vydh ow profoesa.