Salmow 91:4 - An Bibel Kernewek 20234 (Kernewek Kemmyn)

⁴ Ev a'th kudh gans y bluv, hag yn-dann y eskelli y hwilydh skovva; y wirder yw dha skoes ha'th vokler.

An Sowter 1997 2023

⁴ Ev a'th kudh gans y bluv, hag yn-dann y eskelli y hwilydh skovva : y wirder yw dha skoes ha'th vokler.

Salmow 91:4 ပူးပေါင်းရင်းမြစ်များ

Jenesis 15:1

Wosa an taklow ma, ger an Arloedh a dheuth dhe Abram yn gwelesigeth, ow leverel, ‘Na borth own, Abram, my yw dha skoes, dha wober pur vras.’

Salmow 138:2

My a ombleg troha'th tempel sans, hag a wormel dha hanow, drefenn dha dregeredh ha'th wiryonedh, rag ty re veurhas dha hanow ha'th lavar a-ugh pup-tra.

Salmow 17:8

Gwith vy avel bew an lagas; kudh vy yn-dann skeus dha eskelli,

Salmow 35:2

Dalghenn an skoes ha'n bokler, ha sav rag ow gweres.

Salmow 57:1

Bydh grassyes orthiv, A Dhuw, bydh grassyes orthiv, rag ow enev a hwila skovva ynnos; hag yn-dann skeus dha eskelli y fydh ow skovva, erna vo an droglammow ma tremenys.

Salmow 61:4

My a drig y'th tylda bynitha; my a hwila skovva yn kudhans dha eskelli. Sela.

Matthew 23:37

‘Yerusalem, Yerusalem neb a ladh an brofoesi ha labydha an re yw dannvenys dhis! Peskweyth y yeunis vy kuntell dha fleghes war-barth, kepar dell guntell yar hy yerigow yn-dann hy eskelli, mes hwi ny vynnsowgh.

Mark 13:31

Nev ha nor a dremen dhe-ves, mes ow geryow vy, ny dremenons dhe-ves.

Dewteronomi 32:11

Avel er hag a dhifun y neyth, ha bargesi a-ugh y ydhnigow, yndella ev a lesas y dhiwaskell, ha'ga hachya, ha'ga doen war bluvennow y eskelli.

Titus 1:2

yn govenek bewnans heb worfenn a ambosas Duw, neb na wowlever, kyns termyn heb worfenn.

Ruth 2:12

Re wrello an Arloedh attyli dha ober, ha kowal re bo dha bewas dhiworth an Arloedh, Duw Ysrael, may hwrussys dos yn-dann y eskelli dhe gavoes skovva.’