Salmow 90:8 - An Bibel Kernewek 20234 (Kernewek Kemmyn)

⁸ Ty re worras agan kammweythresow a-dheragos, ha'gan peghosow kudh yn golow dha fas.

An Sowter 1997 2023

⁸ Ty re worras agan kammweythresow a-dheragos : ha'gan peghosow kudh yn golow dha fas.

Salmow 90:8 ပူးပေါင်းရင်းမြစ်များ

Job 10:14

Mar peghav, ty a'm merk, ha ny'm assoylydh a'm kammweyth.

Job 34:21

‘Rag yma y dhewlagas war fordhow gour, hag ev a wel y gammow oll.

Salmow 10:11

Ev a leveris yn y golonn, ‘Duw re ankovas, ev a gudh y fas, ha ny wel nevra.’

Salmow 109:15

Bedhens i prest a-dherag an Arloedh, rag may torro dhe-ves aga hovadh dhiworth an norvys;

Salmow 19:12

Piw a woer konvedhes y gammweythresow? Glanha vy dhiworth ow feghosow kudh.

Salmow 50:21

An taklow ma re wrussys, ha tewel a wrugavy; ty a brederis my dhe vos avelos jy. Mes my a'th keredh, ha dri kuhudhans er dha bynn.

Salmow 80:16

Leskys yw gans tan, ha treghys yw; i a dhe goll orth keredh dha fas.

Lavarow Koth 5:21

Rag yma fordhow gour a-rag dewlagas an Arloedh, hag ev a hwither oll y hynsyow.

Ekklesiastes 12:14

Rag Duw a dhre pub gwrians dhe vreus, hwath pup-tra yw kelys, po da po drog.

Yeremia 16:17

Rag yma ow dewlagas war oll aga fordhow: nyns yns kudhys a'm golok, na nyns yw aga hammhynseth kudhys a'm dewlagas.

Yeremia 2:22

Rag kynth omwolghydh gans natron, ha kemmeres dhis meur a sebon, hwath dha anewnder a bes avel mostenn a-ragov, yn-medh an Arloedh Duw.

Yeremia 23:24

A yll gour omgudha yn tylleryow kudhys ma na'n gwelav? yn-medh an Arloedh. A ny wrav lenwel nev ha nor? yn-medh an Arloedh.

Ezekiel 8:12

Ena yn-medh ev dhymm, ‘A welsys, A vab den, an pyth usi henavogyon chi Ysrael ow kul y'n tewlder, peub yn chambouryow y imajys? Rag yn-medhons, “An Arloedh ny'gan gwel, an Arloedh re forsakyas an tir.” ’

Levitikus 4:23

po mar teu an pegh re beghas dh'y wodhvos, ev a dhre y offrynn, bogh, gorow heb namm,

Levitikus 4:28

pan dheu dh'y wodhvos an pegh re beghas, ev a dhre y offrynn, mynn a'n gever, onan benow heb namm, rag y begh re beghas.

Romanyon 2:16

y'n jydh may freus Duw, war-lergh ow aweyl, kevrinyow tus dre Yesu Krist.

1 Korinthianys 4:5

Na vreusewgh travyth, ytho, kyns an ewn-dermyn may teffo an Arloedh, neb a wra golowi traow kudhys y'n tewlder keffrys diskwedhes kusulyow an golonn; hag y'n eur na kettep onan a wra kavoes y wormola dhiworth Duw.

1 Yowann 3:20

Rag mara'gan kuhudh agan kolonn ni, Duw yw brassa ages agan kolonn, hag a woer pup-tra.

Diskwedhyans 20:12

Ha my a welas an re varow, bras ha byghan, ow sevel a-dherag an tron; ha rolyow-skrifa a veu igerys; ha ken rol a veu igerys, yw an lyver a vewnans: ha'n re varow a veu breusys der an pyth o skrifys y'n rolyow, war-lergh aga gwriansow.