Salmow 90:10 - An Bibel Kernewek 20234 (Kernewek Kemmyn)

¹⁰ Dydhyow agan blydhynyow yw deg blydhen ha tri-ugens; po dre reson krevder peswar-ugens blydhen, byttegyns nyns yw aga nerth marnas poenvos hag ahwer; rag hware y hedh, ha gyllys on ni dhe goll.

An Sowter 1997 2023

¹⁰ Dydhyow agan blydhynyow yw deg blydhen ha triugens; po dre reson krevder peswar ugens blydhen : byttegyns nyns yw aga nerth marnas poenvos hag ahwer; rag hware y hedh, ha gyllys on ni dhe goll.

Salmow 90:10 ပူးပေါင်းရင်းမြစ်များ

Jenesis 47:9

Hag yn-medh Yakob dhe Faro, ‘Dydhyow blydhynyow ow godrigow yw deg ha hwegh-ugens. Boghes ha drog re beu dydhyow blydhynyow ow bewnans, ha ny wrussons dos nes dhe dhydhyow blydhynyow bewnans ow thasow yn dydhyow aga godrigow i.’

Jenesis 6:3

Hag yn-medh an Arloedh, ‘Ny drig ow spyrys vy pup-prys gans mab-den, rag kig yw ev, ha'y dhydhyow a vydh hwegh-ugens blydhen.’

2 Samuel 19:35

Peswar ugens bloedh ov hedhyw; a allav vy dissernya yntra da ha drog? A yll dha was blasa an pyth a dheber po eva? A allav vy hwath klewes lev kanoryon po kanoresow? Ytho prag y koedh dhe'th was bos begh arall dhe'm arloedh an myghtern?

2 Samuel 19:36

Dha was a wra mos pols dres an Yordan gans an myghtern, mes prag y tegoedh dhe'n myghtern ri pewas a'n par na dhymm?

1 Myghternedh 1:1

Myghtern Davydh o gyllys koth yn y dhydhyow; hag i a'n kudhas gans dillasow, mes ny ylli omdoemma.

Job 14:10

Mes gour a verow ha difygya; dhe wir, den a anell y dhiwettha anall ha ple'ma ev?

Job 20:8

Ev a nij dhe-ves kepar ha hunros, ha ny vydh kevys; ev a vydh chasyes dhe-ves kepar ha gwelesigeth nos.

Job 24:24

Ughelhes yns pols, hag ena gyllys; iselhes yns, hag i a wedher kepar ha'n malow, ha treghys kepar ha pennow greun.

Job 5:7

mes dineythys yw den dhe drobel dell wra gwryghon nija war-vann.

Salmow 78:39

Rag ev a borthas kov i dhe vos kig, gwyns a dremen, ha ny dhehwel.

Ysay 38:12

Ow thrigva yw tennys yn-mes ha destryppys dhiworthiv avel tylda bugel; avel gwiader re rolis vy ow throgel; ev a'm tregh dhe-ves dhiworth an steuv; dydh ha nos ty a'm dre dhe dhiwedh.

Levitikus 27:7

Ha mars yw tri-ugens bloedh po moy, mars yw gorreydh, dha reknans a vydh pymthek shekel, ha rag benynreydh, deg shekel.

Luk 12:20

Mes Duw a leveris dhodho, “Ty foll, haneth y'n nos dha enev a vydh rekwirys dhiworthis; ha'n pythow a bareussys, piw dhodho y fydhons?”

Dewteronomi 34:7

Ha Moyses o hwegh ugens bloedh pan verwis; ny veu y lagas gwannhes, ha ny veu y nerth lehes.

Jamys 4:14

Mes ny wodhowgh fatell vydh agas bewnans a-vorow. Ethenn owgh hwi owth omdhiskwedhes rag berr dermyn hag ena ow mos mes a wel.

Yoshua 14:11

Yth ov vy hwath mar grev y'n jydh ma dell en y'n jydh a'm dannvonas Moyses; ow nerth lemmyn yw par dell o ow nerth ena, rag bresel, ha rag mos dhe-ves ha rag dos a-bervedh.