Salmow 9:20 - An Bibel Kernewek 20234 (Kernewek Kemmyn)

²⁰ Gorr own ynna, A Arloedh; godhvydhes an kenedhlow nag yns marnas tus. Sela.

An Sowter 1997 2023

²⁰ Gorr own ynna, A Arloedh : godhvydhes an kenedhlow nag yns marnas tus.

Salmow 9:20 ပူးပေါင်းရင်းမြစ်များ

2 Kroniklys 14:10

Asa eth yn-mes rag metya ganso, hag i a arayas aga honan rag batel yn nans Sefatha ryb Maresha.

Salmow 3:8

Dhe'n Arloedh yma selwyans; yma dha vennath war dha bobel. Sela.

Salmow 62:9

Yn tevri, euveredh yw tus isel, ha tus ughel yw gow; y'n vantol yth ons i war-vann, skaffa yns i es euveredh.

Salmow 76:12

Ev a fronn an spyrys a bennsevigyon; euthyk yw ev orth myghternedh an nor.

Eksodus 15:16

own hag euth a goedh warnedha; drefenn meuredh dha vregh, i yw kosel avel men, erna dremenno dha bobel, A Arloedh, erna dremenno dha bobel re brensys.

Eksodus 23:27

My a wra dannvon ow euth a-ragos, ha gorra yn deray oll an dus may tewgh er aga fynn, ha my a wra dhe'th eskerens oll treylya keyn er dha bynn.

Ysay 31:3

An Ejyptianys yw denel a-der Duw; aga mergh yw kig a-der spyrys. Pan wra an Arloedh ystynn y leuv, an gwereser a drebuch ha'n den gweresys a goedh, hag i oll a dhe goll war-barth.

Yeremia 32:40

My a wra kevambos bys vykken gansa, nevra dhe gildenna a wul da dhedha; ha my a worr own yn aga holonn ma na dreylyons a-dhiworthiv.

Ezekiel 28:2

Mab den, lavar dhe bennsevik Tyr, Yndellma y lever an Arloedh Duw: Drefenn goeth dha golonn, ty a lever, ‘My yw duw, owth esedha war dron duwow yn kolonn an moryow.’ Mes den osta a-der duw, kyn settydh dha golonn avel kolonn duw.

Ezekiel 28:9

A leverydh hwath, ‘My yw duw’, yn golok an re a'th ladh? Mes ty yw den a-der duw y'n leuv an re a'th ladh.

Ezekiel 30:13

Yndellma y lever an Arloedh Duw: My a dhistru idolys ha ri diwedh dhe'n imajys yn Nof. Ny vydh na fella pennsevik yn pow Ejyp; ha my a worr own yn pow Ejyp.

Dewteronomi 2:25

Hedhyw my a dhalleth settya agha ahanas hag own ahanas war an kenedhlow yn-dann an nevow oll, neb a glew derivas ahanas, hag i a gren ha bos yn gloesow a'th wovis.’