Salmow 88:6 - An Bibel Kernewek 20234 (Kernewek Kemmyn)

⁶ Ty re'm gorras y'n pytt isella, yn tylleryow tewl, hag yn downderyow.

An Sowter 1997 2023

⁶ Dha gonnar yw poes warnav : ha ty re dhros warnav oll dha donnow.

Salmow 88:6 ပူးပေါင်းရင်းမြစ်များ

Salmow 130:1

Yn-mes a'n downderyow y helwis vy warnas, A Arloedh.

Salmow 143:3

Rag an eskar re helghyas ow enev; ev re skwattyas ow bewnans dhe'n leur, ev re wrug dhymm triga yn tewlder, kepar ha'n re yw marow seuladhydh.

Salmow 40:2

Hag ev a'm drehevis mes a'n pytt divlas, mes a'n pri leysek, ha gorra ow threys war garrek, ha fastya ow hammow.

Salmow 69:15

Na as an liv dhe frosa dresov, ha na as an downder dhe'm kollenki, ha na as an pytt dhe dhegea y anow warnav.

Salmow 86:13

Rag meur yw dha dregeredh orthiv; ty re dhelivras ow enev dhiworth ifarn isella.

Lavarow Koth 4:19

Fordh an debeles yw haval dhe dewlder down; ny wodhons an pyth may trebuchons warnodho.

Kynvannow 3:2

Ev re'm hembronkas ha gul dhymm mos yn tewlder a-der golow;

Kynvannow 3:55

My a grias war dha hanow, A Arloedh, dhiworth downder an pytt.

Yona 2:4

Ha my a leveris, ‘Pellhes ov vy a-dhiworth dha dhewlagas: fatell wrav vy mires arta troha'th tempel sans?’

Yowann 12:46

Devedhys ov y'n bys kepar ha golow, rag na wrello piwpynag a grysso ynnov vy triga yn tewlder.

Dewteronomi 32:22

Rag tan re dhewis dre'm sorr ha leski a wra bys yn downderyow ifarn; ev a dheber an dor ha'y askorr, hag enowi gans tan selyow an menydhyow.

Lyther Yud 1:13

mordonnow gwyls owth ewyni gans aga bismer aga honan, sterennow ow kwandra may feu dhedha gwithys an tewlder bys vykken.

Lyther Yud 1:6

ha'n eledh na withas aga offis aga honan mes a asas aga thrigva aga honan re beu gwithys ganso yn chaynys heb diwedh yn tewlder bys yn breus an jydh meur;