Salmow 87:7 - An Bibel Kernewek 20234 (Kernewek Kemmyn)

⁷ An ganoryon ha'n dhonsyoryon war-barth a lever, ‘Yma oll ow fentynyow ynnos jy.’

Salmow 87:7 ပူးပေါင်းရင်းမြစ်များ

Salmow 36:9

Rag genes jy yma fenten bewnans; y'th wolow jy y hwelyn ni golow.

Yowann 1:16

Rag a'y leunder ni oll re dhegemmeras, ha gras war ras;

Ysay 12:3

Hwi a denn dowr gans lowena dhiworth an fentynyow a selwyans.

Diskwedhyans 22:17

Hag yn-medh an Spyrys ha'n venyn bries, ‘Deus’, ha leveres neb a glewvo, ‘Deus’, ha des neb a'n jeffo syghes; neb a vynno, kemmeres ev a'n dowr a vewnans heb kost.

Diskwedhyans 21:6

Hag ev a leveris dhymm, ‘Gwrys yw. Alfa hag Omega ov vy, an dalleth ha'n diwedh. My a re dhe neb a'n jeves syghes a fenten an dowr a vewnans heb kost.

Yowann 4:14

mes piwpynag a effo a'n dowr a rov vy dhodho ny'n jevydh syghes bynitha; mes an dowr a rov dhodho a vydh ynno fenten a dhowr ow frosa bys yn bewnans heb diwedh.’

Diskwedhyans 22:1

Hag ev a dhiskwedhas dhymm avon a dhowr bewnans, kler avel gwrys, ow tos yn-mes a dron Duw hag a'n Oen.

1 Kroniklys 23:5

peswar mil a vydh porthoryon ha peswar mil a wormel an Arloedh gans an daffar menestrouthi re wrug rag gormel.’

2 Samuel 6:14

Ha Davydh a dhonsyas dherag an Arloedh gans oll y nerth; ha Davydh o grogysys gans efod a lien.

Jamys 1:17

Pub ro da ha pub ro perfydh a dhiyskynn dhiworth a-wartha, ow tos yn-nans dhiworth an Tas a wolowys ha nyns eus chanj na skeus treylyans ganso.

Yowann 4:10

Yesu a worthybis ha leverel dhedhi, ‘Mar kodhves ro Duw, ha piw yw neb a lever dhis, “Ro dhymm dhe eva”, ty a wrusses y bysi, hag ev a rossa dhis dowr bew.’

Salmow 46:4

Yma avon, ha'y goverow a lowenha sita Duw, an tyller sans, trigva an Ughella.

Salmow 149:3

Gormelens i y hanow y'n dons, kanens gormola dhodho gans tabourik ha sowtri.

Salmow 68:26

Bennigewgh Duw y'n kuntellesow, ha'n Arloedh, hwi fenten Ysrael.

Ezekiel 47:1

Ena ev a'm dros arta dhe entrans an tempel; hag otta, yth esa dowr ow resek a-dhann dreudhow an tempel troha'n est (rag yth esa an tempel ow mires troha'n est); hag yth esa an dowr ow resek a-dhann denewen soth an tempel, a'n soth dhe'n alter.