Salmow 87:6 - An Bibel Kernewek 20234 (Kernewek Kemmyn)

⁶ An Arloedh, pan skrif ev kovskrifenn an poblow, a rekord, ‘Hemma a veu genys ena.’ Sela.

An Sowter 1997 2023

⁶ An ganoryon ha'n dhonsyoryon war-barth a lever : ‘Yma oll ow fentynyow ynnos jy.’

Salmow 87:6 ပူးပေါင်းရင်းမြစ်များ

Ysay 4:3

Ev neb a vydh gesys yn Sion, neb a worta yn Yerusalem, a vydh henwys sans, pubonan neb a veu skrifys rag bewnans yn Yerusalem,

Luk 10:20

Byttegyns na lowenhewgh yn henna, an spyrysyon dhe vos gorrys yn-dannowgh, mes lowenhewgh rag agas henwyn dhe vos skrifys y'n nevow.’

Diskwedhyans 20:15

Ha seul na veu kevys skrifys y'n lyver a vewnans a veu tewlys y'n lynn a dan.

Filippianys 4:3

Dhe wir, my a'th pys ynwedh, a yew-was len, may hweressi an benynes a lavuryas genev y'n aweyl, gans Klemens ynwedh ha'm kesoberoryon erell, neb usi aga henwyn y'n lyver a vewnans.

Ezekiel 13:9

Ow leuv a vydh erbynn an brofoesi usi ow kweles gwelesigethow koeg hag ow kewsel dewinieth wowek. Ny vydhons yn konsel ow fobel, na ny vydhons skrifys yn kovskrifennow chi Ysrael, na ny dhons yn pow Ysrael. Ena hwi a woer my dhe vos an Arloedh Duw.

Salmow 69:28

Bedhens i defendys dhe-ves a lyver an re vew, ha na vedhens i skrifys yn mysk an re wiryon.

Diskwedhyans 13:8

Hag oll trigoryon an norvys a wra y wordhya, nag yw skrifys aga henwyn yn lyver bewnans an Oen a veu ledhys, a-ban veu an norvys dallethys.

Yeremia 3:19

Mes my a leveris, Fatell wrav vy dha worra yn mysk ow mebyon, ha ri dhis tir plegadow, an tekka ertach a'n kenedhlow oll? Ha my a leveris, Ty a'm galow, Ow thas; ha ny dreylydh arta ahanav.

Salmow 22:30

Linyeth a'n serv; tus a re derivas a'n Arloedh dhe'n henedh a dheu.

Ezekiel 9:4

ha'n Arloedh a leveris dhodho, ‘Tremen der an sita, dre Yerusalem, ha gwra merk war dal an wer usi owth hanasa ha kyni war oll an taklow kasadow gwrys a-berth ynni.’