Salmow 84:5 - An Bibel Kernewek 20234 (Kernewek Kemmyn)

⁵ Gwynnvys an den may 'ma y nerth ynnos jy, ha'th fordhow yn y golonn.

An Sowter 1997 2023

⁵ Gwynnvys an den may 'ma y nerth ynnos jy : ha'th fordhow yn y golonn.

Salmow 84:5 ပူးပေါင်းရင်းမြစ်များ

Salmow 122:1

Lowen en vy pan lavarsons dhymm, ‘Gwren ni mos bys yn chi an Arloedh.’

Salmow 134:1

Otta, bennigewgh an Arloedh, gwesyon oll a'n Arloedh, hwi neb a sev nosweyth yn chi an Arloedh.

Salmow 40:8

My re vynnas gul dha volonjedh, ow Duw, yma dha lagha yn kres ow holonn.

Salmow 42:4

My a berth kov a hemma, ow skoellya ow enev a-bervedh ynnov; fatell gerdhyn vy gans an routh orth aga hembronk dhe ji Duw; gans lev a lowena ha grasyans, yn mysk routh ow synsi goel.

Salmow 55:14

Ni a geskewsi yn hweg an eyl gans y gila, ha ni ow kerdhes yn chi Duw gans an routh.

Salmow 65:5

Ty a worthyp dhyn gans taklow euthyk yn ewnder, A Dhuw agan selwyans; ty, neb yw fydhyans oll pennow an nor, ha'n re usi pell war an mor.

Salmow 81:1

Kenewgh yn lowen dhe Dhuw agan nerth; gwra tros heudhik dhe Dhuw Yakob.

Ysay 26:9

Ow enev a yeun war dha lergh y'n nos; ow spyrys ynnov a'th hwila. Rag pan vydh dha vreusow y'n wlas, annedhysi an bys a dhysk ewnder.

Ysay 45:24

A-dro dhymmo vy y leverir, nag eus ewnder na nerth saw unnsel y'n Arloedh. Bys dhodho y teu gans meth peub a'n jevo sorr orto.

Yeremia 31:33

Mes hemma a vydh an kevambos a wrav gans chi Ysrael wosa an dydhyow na, yn-medh an Arloedh: My a worr ow lagha a-ji dhedha ha'y skrifa war aga holonn; ha my a vydh aga Duw, hag i a vydh ow fobel.

Yeremia 31:6

Rag y fydh dydh pan elow an woelyadoryon war vro venydhyek Efraym: ‘Sevewgh, ha deun yn-bann dhe Sion, dhe'n Arloedh agan Duw.’

Mika 4:2

Kenedhlow pals a dheu, ha leverel, ‘Dewgh, ha deun ni yn-bann dhe venydh an Arloedh, ha dhe ji Duw Yakob; hag ev a dhysk dhyn y fordhow, ha ni a gerdh yn y hynsyow.’ Rag yn-mes a Sion y teu lagha, ha ger an Arloedh dhiworth Yerusalem.

Zekaria 10:12

My a wra aga nertha y'n Arloedh, hag yn y hanow ev i a gerdh a-dro, yn-medh an Arloedh.

2 Korinthianys 12:9

Mes ev a leveris dhymm: ‘Ow gras yw lowr ragos; rag yn gwannder yth yw ow nerth gwrys perfydh.’ Ytho, fest yn lowen y hwrav vy bostya y'm gwannder, may trikko warnav nerth Krist.

Filippianys 4:13

My a yll gul pup-tra dredho ev neb a re dhymm nerth.