Salmow 84:12 - An Bibel Kernewek 20234 (Kernewek Kemmyn)

¹² A Arloedh an luyow, gwynnvys an den a worr y fydhyans ynnos jy.

An Sowter 1997 2023

¹² Rag an Arloedh Duw yw howl ha skoes : an Arloedh a re ras ha golewder, ha ny skon ev a ri dader vytholl dhe'n re a gerdh yn tivlam.

Salmow 84:12 ပူးပေါင်းရင်းမြစ်များ

Salmow 125:4

Gwra da, A Arloedh, orth an re yw da, hag orth an re yw ewnhynsek aga holonn.

Salmow 2:12

Ymmewgh dhe'n mab, ma na vo serrys, ha na yllowgh dhe goll y'n fordh; rag y sorr a flamm yn skon. Gwynnvys oll an re a hwila skovva ynno ev.

Salmow 3:4

My a elwis war an Arloedh gans ow lev, hag ev a worthybis dhymm mes a'y venydh sans. Sela.

Salmow 34:8

Gwrewgh tastya ha gweles an Arloedh dhe vos da; gwynnvys an den a hwila skovva ynno ev.

Salmow 62:8

Trestyewgh ynno ev pup-prys, A bobel; dinewewgh agas kolonn a-dheragdho, rag Duw yw agan skovva. Sela.

Ysay 30:18

Rakhenna an Arloedh a worta dhe vos grassyes orthowgh; ha rakhenna ev a sev dhe gemmeres truedh ahanowgh. Rag an Arloedh yw Duw a wirvreus, gwynnvys kemmys a'n gorta.

Ysay 50:10

Piw yn aga mysk a berth own a'n Arloedh hag yw gostydh dhe lev y was? Ev neb a gerdh yn tewlder, neb na'n jeves golow, byttegyns ev a drest yn hanow an Arloedh, ha poesa war y Dhuw.

Ysay 60:19

Ny vydh an howl golow ragos byth moy dydhweyth, na ny vydh golow dhis splannder an loer; mes an Arloedh a vydh dhis golow bys vykken, ha dha Dhuw a vydh dha glori.