Salmow 78:63 - An Bibel Kernewek 20234 (Kernewek Kemmyn)

⁶³ Tan a dhybris aga thus yowynk, ha ny veu aga maghtethyon res yn demmedhyans.

An Sowter 1997 2023

⁶³ Tan a dhybris aga thus yowynk : ha ny veu aga maghtethyon res yn demmedhyans.

Salmow 78:63 ပူးပေါင်းရင်းမြစ်များ

Yeremia 7:34

Ena my a wra dhe hedhi a-dhiworth sitys Yuda, ha dhiworth stretow Yerusalem, lev lowender, ha lev heudhder, lev an gour pries, ha lev an venyn bries: rag an tir a vydh ynyal.

Yeremia 16:9

Rag yndellma y lever Arloedh an luyow, Duw Ysrael: Otta, my a bellha dhiworth an tyller ma, yn agas dydhyow hag a-rag agas lagasow, lev lowender ha lev heudhder, lev an gour pries ha lev an venyn bries.

Yeremia 25:10

Ynwedh my a gemmer a-dhiworta lev lowender ha lev lowena, lev an gour pries ha lev an venyn bries, son an meyn melin ha golow an gantol.

Ysay 4:1

Seyth benyn a gyv dalghenn yn unn wour y'n jydh na, ow leverel, ‘Ni a dheber agan bara ha gwiska agan dillas agan honan; unnsel gas ni dhe vos henwys gans dha hanow. Kemmer dhe-ves agan sham!’

Salmow 78:21

Ytho an Arloedh a glewas hemma, hag a sorras; tan o enowys yn Yakob, ha konnar a sordyas erbynn Ysrael,

Dewteronomi 32:22

Rag tan re dhewis dre'm sorr ha leski a wra bys yn downderyow ifarn; ev a dheber an dor ha'y askorr, hag enowi gans tan selyow an menydhyow.

Dewteronomi 29:20

an Arloedh ny vynn gava dhodho; ena sorr an Arloedh ha'y avi a dhyllo mog erbynn an gour na, hag oll an volleth yw skrifys y'n lyver ma a wrowedh warnodho, ha'n Arloedh a dhefend y hanow a-dhann nev.

Niverow 11:1

Pan grodhvolas an bobel yn klewans an Arloedh a-dro dh'aga anfeus, an Arloedh a glewas; y sorr a veu enowys, ha tan an Arloedh a loskas yntredha, ha kowlleski nebes rannow pella a'n kamp.