Salmow 78:49 - An Bibel Kernewek 20234 (Kernewek Kemmyn)

⁴⁹ Ev a dhellos warnedha y sorr fers, sorr, ha koler, hag anken, ha dannvon tebel eledh yn aga mysk.

An Sowter 1997 2023

⁴⁹ Ev a dhellos warnedha y sorr fers, sorr, ha koler, hag anken : ha dannvon tebel eledh yn aga mysk.

Salmow 78:49 ပူးပေါင်းရင်းမြစ်များ

2 Samuel 24:16

Ha pan ystynnas an el y dhorn war Yerusalem dh'y distrui, an Arloedh a'n jevo edrek a'n drog, ha leverel dhe'n el, an distruer usi yn kres an bobel, ‘Henn yw lowr, hedh dha dhorn.’ Hag ena yth esa el an Arloedh ryb leur-drushya Arawna an Yebusyas.

Job 1:12

Yn-medh an Arloedh dhe Satnas, ‘Otta, yma pup-tra oll a'n jeves y'th halloes, saw warnodho y honan na ystynn dha leuv.’ Ytho Satnas eth yn-rag mes a wel a'n Arloedh.

Job 20:23

Wosa ev dhe lenwel y dorr Duw a dhannvon y sorr fers warnodho, ha gul dhodho koedha warnodho avel glaw, hag ev ow tybri.

Salmow 11:6

Ev a wra dhe golennow tan ha loskven koedha war an debeles avel glaw; gwyns gwyls a vydh kevrenn aga hanaf.

Eksodus 12:13

An goes a vydh tokyn dhywgh, war an chiow le mayth esowgh; ha pan welav an goes, my a wra tremena dresowgh, ha ny goedh pla vyth warnowgh dh'agas distrui, pan waskav pow Ejyp.

Eksodus 15:7

Yn braster dha veuredh ty a dewl dhe'n dor neb a sev er dha bynn; ty a dhannvon yn-rag dha sorr hag a's devor avel sowl.

Ysay 42:25

Ytho ev a dhinewis warnodho toemmder y sorr, ha nerth an gas. Ev a worras tan ynno a-derdro, mes ny gonvedhas, ev a'n loskas, mes ny'n kemmeras yn y golonn.

Kynvannow 4:11

An Arloedh re gowlwrug y sorr, ha dyllo y sorr fers, hag enowi tan yn Sion a dhevoryas hy selyow.

Sefania 3:8

Rakhenna gwrewgh ow gortos, yn-medh an Arloedh, bys y'n jydh pan savav avel dustunier: rag kuntell an kenedhlow yw ow bodh may keskorrav an gwlaskordhow rag dinewi warnedha ow sorrvann, oll ow sorr fers; rag oll an norvys a vydh devorys gans tan ow avi.