Salmow 77:2 - An Bibel Kernewek 20234 (Kernewek Kemmyn)

² Yn dydh ow anken my a hwilas an Arloedh; ow leuv o ystynnys y'n nos, ha nyns o skwith; ow enev a skonyas a gavoes hebaska.

An Sowter 1997 2023

² Yn dydh ow anken my a hwilas an Arloedh : ow leuv o ystynnys y'n nos, ha nyns o skwith : ow enev a skonyas a gavoes hebaska.

Salmow 77:2 ပူးပေါင်းရင်းမြစ်များ

Jenesis 32:28

Hag yn-medh ev, ‘Ny vydh dha hanow gelwys Yakob namoy mes Ysrael, rag ty re strivyas gans Duw ha gans mab-den ha fetha.’

Jenesis 37:35

Hag oll y vebyon hag oll y vyrghes a sevis rag y gonfortya mes ev a skonyas a vos konfortys, hag ev a leveris, ‘My a vynn mos yn-nans dhe'n bedh dhe'm mab, ow kyni.’ Ha'y das a oelas ragdho.

2 Kroniklys 6:28

‘Mars eus divoetter y'n tir, po pla, po kleves losk, po kleves melynheans, hes a lokustes ha'n lokust distruel, mar omsett aga eskerens a-dro dhe sitys pynag, po mars eus plag pynag, po kleves pynag;

Job 11:13

‘Mar pareusydh dha golonn, hag ystynn dha leuv trohag ev,

Salmow 18:6

Y'm anken my a elwis war an Arloedh, ha dhe'm Duw y kriis vy rag gweres. Ev a glewas ow lev yn-mes a'n tempel, ha'm kri a-dheragdho a dheuth bys yn y dhiwskovarn.

Salmow 50:15

Ha galw warnav yn dydh anken; my a'th telirv, ha ty a wra ow gordhya.

Salmow 55:17

Y'n gorthugher hag y'n myttin, ha dhe hanter-dydh my a grodhvol ha kyni, hag ev a glew ow lev.

Salmow 63:6

pan borthav kov ahanas war ow gweli, ha prederi ahanas yn goelyow an nos.

Salmow 86:7

Yn dydh ow anken y halwav warnas, rag ty a worthyp dhymm.

Lavarow Koth 18:14

Spyrys gour a berth kleves, mes spyrys trogh, piw a yll y berthi?

Ysay 26:16

A Arloedh, yn ahwer i a'th hwilas; i a dhiveris pysadow pan veu dha hessydhyans warnedha.

Ysay 26:9

Ow enev a yeun war dha lergh y'n nos; ow spyrys ynnov a'th hwila. Rag pan vydh dha vreusow y'n wlas, annedhysi an bys a dhysk ewnder.

Yeremia 31:15

Yndellma y lever an Arloedh: Lev yw klewys yn Rama, kynvann hag oelva hwerow. Yma Raghel owth oela rag hy fleghes; hi a nagh bos konfortys rag hy fleghes drefenn nag esons na fella.

Hosea 5:13

Efraym a welas y gleves, ha Yuda y woli, ena Efraym eth dhe Assyria, hag a dhannvonas dhe'n myghtern meur. Mes ny yll agas sawya, na yaghhe agas goli.

Hosea 6:1

Dewgh, dehwelyn dhe'n Arloedh: rag ev re skwardyas, hag a wra agan sawya; ev re weskis, hag a wra agan lystenna.

Yowann 11:31

Ena an Yedhewon esa gensi y'n chi hag orth hy honfortya, ow kweles Maria dhe sevel uskis ha mos yn-mes, a wrug hy siwya, ow tybi hi dhe vos dhe'n bedh dhe oela ena.

Ebrowyon 5:7

Yn dydhyow y gig, Yesu a brofyas pysadow ha govynnadow, gans kriow ughel ha dagrow, dhe neb a ylli y dhelivra dhiworth mernans hag ev a veu klewys drefenn y own a Dhuw.