Salmow 76:6 - An Bibel Kernewek 20234 (Kernewek Kemmyn)

⁶ Orth dha geredh, A Dhuw Yakob, an charett ha'n margh a goedhas yn kosk poes.

An Sowter 1997 2023

⁶ Orth dha geredh, A Dhuw Yakob : an charett ha'n margh a goedhas yn kosk poes.

Salmow 76:6 ပူးပေါင်းရင်းမြစ်များ

2 Samuel 10:18

Mes an Aramysi a fias a-dherag Ysrael; hag a'n Aramysi Davydh a ladhas an wer a seyth kans charett, ha dewgens mil varghek, ha gweskel Shobak kaslewydh aga lu, hag ev a verwis ena.

2 Myghternedh 19:35

Y'n nos na el an Arloedh eth yn-mes, ha gweskel pymp ha naw-ugens a vilyow yn kamp Assyria; ha pan sevis tus ternos, otta, korfow marow ens i oll.

2 Kroniklys 32:21

Ha'n Arloedh a dhannvonas el neb a ladhas oll an gasoryon alloesek ha'n gaslewydhyon ha'n soedhogyon yn kamp myghtern Assyria. Ytho ev a gildennas yn disenor dh'y dir y honan. Pan dheuth yn chi y dhuw, re a'y vebyon a'n weskis dhe'n dor gans an kledha.

Salmow 104:7

Orth dha geredh i a fias dhe'n fo; orth lev dha daran i a fyskas dhe-ves.

Salmow 18:15

Ena yth omdhiskwedhas goverow dowr, ha selyow an norvys a veu diskudhys, orth dha geredh, A Arloedh, orth hwyth anall dha dhewfrik.

Salmow 80:16

Leskys yw gans tan, ha treghys yw; i a dhe goll orth keredh dha fas.

Eksodus 15:1

Ena Moyses ha mebyon Ysrael a ganas an gan ma dhe'n Arloedh, ow leverel, ‘Kana a wrav dhe'n Arloedh, rag ev re dryghis yn splann; an margh ha'y varghek ev re dewlis y'n mor.

Eksodus 15:10

Ty a hwythas gans dha wyns, an mor a's kudhas; i a sedhis avel plomm y'n dowrow bras.

Eksodus 15:21

Ha Miryam a worthybis dhedha, ‘Kenewgh dhe'n Arloedh rag ev a dryghis yn splann, an margh ha'y varghek ev re dewlis y'n mor.’

Ysay 37:36

Ena el an Arloedh eth yn-mes ha gweskel pymp ha naw-ugens a vilyow yn kamp Assyria; ha pan sevis tus ternos, otta, korfow marow ens i oll.

Yeremia 51:39

Yn aga gwres, my a bareus aga gwledh ha gul dhedha omvedhwi bys pan vydhons lowenek hag ena koska yn kosk bys vykken heb difuna nevra, yn-medh an Arloedh.

Yeremia 51:57

My a wra medhwi hy fennsevigyon ha'y doethyon, ynwedh hy governours, hy soedhogyon ha'y breselyoryon; i a gosk yn kosk bys vykken heb difuna nevra, yn-medh an Myghtern, ha'y hanow Arloedh an luyow.

Ezekiel 39:20

Ha hwi a vydh lenwys orth ow moes a vergh ha marghogyon, a wer grev ha kasoryon a bub eghenn, yn-medh an Arloedh.

Nahum 1:6

Piw a yll sevel a-dherag y sorr? Piw a yll perthi y sorr fers? Y sorr yw dinewys yn-mes avel tan, ha terrys dhe demmyn a-ragdho yw an karregi.

Nahum 2:13

Awotta, yth esov er dha bynn, yn-medh Arloedh an luyow; ha my a lesk hy charettow y'n mog, ha'n kledha a lenk dha lewyon yowynk; ha my a worr diwedh dhe'th preydha y'n norvys, ha nevra namoy ny vydh klewys lev dha gannasow.

Nahum 3:18

Dha vugeledh a gosk, A vyghtern Assyria, hunya a wra dha dus vryntin; skoellys yw dha bobel war an menydhyow, ha nyns eus nagonan dh'aga huntell.

Zekaria 12:4

Y'n jydh na, yn-medh an Arloedh, my a wra gweskel pub margh gans sowdhan, ha'y varghek gans muskokter. My a iger ow dewlagas orth chi Yuda, mes my a wra gweskel pub mergh a'n kenedhlow gans dellni.

1 Samuel 26:12

Ytho Davydh a gemmeras an guw ha'n seth-dowr, hag i a omdennas. Ny'n gwelas denvyth, na'y wodhvos, na ny dhifunas denvyth; rag yth esens oll yn kosk, drefenn kosk down dhe goedha dhiworth an Arloedh warnedha.