Salmow 72:17 - An Bibel Kernewek 20234 (Kernewek Kemmyn)

¹⁷ Re dhurryo y hanow bys vykken; re bo y hanow fastys hedre vo an howl. Ena tus a omvennik dredho; an kenedhlow oll a'n gelow gwynnvys.

An Sowter 1997 2023

¹⁷ Re dhurryo y Hanow bys vykken; re bo y Hanow fastys hedre vo an howl : ena tus a omvennik dredho; an kenedhlow oll a'n gelow gwynnvys.

Salmow 72:17 ပူးပေါင်းရင်းမြစ်များ

Jenesis 12:3

Ha my a vennik an re a wra dha venniga jy; ha neb a'th villik a wrav vy y villiga. Ynnos jy y fydh benniges oll teyluyow an nor.’

Jenesis 22:18

Hag y'th has y fydh kenedhlow oll y'n norvys owth omvenniga, rag ty re woslowas orth ow lev.’

2 Samuel 7:13

Ev a dhrehav chi rag ow hanow vy, ha my a fast tron y vyghterneth bys vykken.

2 Samuel 7:16

Dha ji ha'th vyghterneth a vydh fastys bys vykken a-dheragov; dha dron a vydh fastys bys vykken.

1 Kroniklys 17:12

Ev a dhrehav chi ragov, ha my a fast y thron bys vykken.

Salmow 21:7

Rag an myghtern a drest y'n Arloedh; ha dre dregeredh an Ughella ny wra ev trebuchya.

Salmow 45:17

My a wra dhe govadh dha hanow durya a unn henedh dhe'n nessa; rakhenna poblow a'th wormel bys vykken ha bynnari.

Salmow 89:36

Y has a dhur bys vykken, ha'y se a vydh avel an howl a-dheragov.

Eksodus 3:15

Duw a leveris ynwedh dhe Moyses, ‘Lavar hemma dhe vebyon Ysrael, “An Arloedh, Duw agas tasow, Duw Abraham, Duw Ysak, ha Duw Yakob, re'm dannvonas dhywgh”: hemm yw ow hanow bys vykken, hag yndellma my a vydh kovhes dres henedhow oll.

Ysay 7:14

Rakhenna, an Arloedh y honan a re dhywgh tokyn. Awotta, an wyrghes a omdhek ha dineythi mab ha hi a'n henow Immanuel.

Yeremia 4:2

ha mar tedh ‘Dell vew an Arloedh!’ yn gwirder, yn breus, hag yn ewnder, ena an kenedhlow a omvennik ynno, ha bostya ynno.

Matthew 1:21

Ha hi a dhineyth mab, ha ty a'n henow Yesu; rag ev a saw y bobel dhiworth aga feghosow.’

Matthew 1:23

‘Awotta, an wyrghes a wra omdhoen ha dineythi mab hag i a'n henow Emmanuel’, yw dhe styrya, Genen ni Duw.

Luk 1:48

rag ev re viras war uvelder y vaghteth. Rag otta, alemma rag oll an henedhow a'm gelow gwynnvys;

Oberow 3:16

Ha'y hanow, dre fydh yn y hanow, a wrug krev an gour ma neb a welowgh hag aswonn, ha'n fydh dredho ev a ros dhodho an yeghes ma a-dheragowgh hwi oll.

Galatianys 3:14

may teffo bennath Abraham dhe'n Jentilys yn Krist Yesu, may kemmerryn ni ambos an Spyrys dre fydh.

Efesianys 1:3

Benniges re bo Duw ha Tas agan Arloedh Yesu Krist, neb re'gan bennigas gans pub bennath spyrysel y'n tylleryow nevek yn Krist,

Efesianys 3:14

Ytho, my a bleg an dhewlin a-dherag an Tas,

Filippianys 2:10

yn hanow Yesu may plekkya pub glin, an re yn nev, an re war an nor, ha'n re yn-dann an nor,

Kolossianys 1:3

Ni a ras dhe Dhuw, Tas agan Arloedh Yesu Krist, pup-prys ow pysi ragowgh.

1 Peder 1:3

Benniges re bo Duw ha Tas agan Arloedh Yesu Krist, neb a'gan dastineythis, war-lergh y dregeredh vras, dhe wovenek bew dre dhasserghyans Yesu Krist a'n re varow,

Diskwedhyans 15:4

Piw ny berth own ahanas, A Arloedh, ha gordhya dha hanow? Rag ty yn unnsel yw sans, rag pub kenedhel a dheu dhe wordhya a-dheragos; rag dha oberow gwiryon re beu diskwedhys.’