Salmow 71:19 - An Bibel Kernewek 20234 (Kernewek Kemmyn)

¹⁹ Ha'th ewnder, A Dhuw, a dhrehedh dhe'n ughelder, ty neb re wrug gwriansow meur; A Dhuw, piw yw avelos jy?

An Sowter 1997 2023

¹⁹ Ha'th ewnder, A Dhuw, a dhrehedh dhe'n ughelder : ty neb re wrug gwriansow meur; A Dhuw, piw yw avelos jy?

Salmow 71:19 ပူးပေါင်းရင်းမြစ်များ

Job 5:9

Ev a wra taklow meur hag anhwiladow, taklow bryntin heb niver.

Salmow 139:6

Re varthys ragov yw an skians na; re ughel yw, ny wonn drehedhes dhodho.

Salmow 35:10

Ow eskern oll a lever, A Arloedh, piw yw avelos jy, ow telivra an den gwann dhiworth piwpynag a vo re grev ragdho, an den gwann ha boghosek dhiworth neb a'n pyll.

Salmow 36:7

Ass yw drudh dha dregeredh, A Dhuw! Mebyon den a hwila skovva yn-dann skeus dha eskelli.

Salmow 57:10

Rag dha dregeredh yw meur bys y'n nevow, ha'th wirder bys y'n kommol.

Salmow 72:18

Benniges re bo an Arloedh Duw, Duw Ysrael, neb y honan a wra marthusyon;

Salmow 86:8

Yn mysk an duwow nyns eus nagonan kepar ha ty, A Arloedh, ha nyns eus gwriansow kepar ha'th wriansow jy.

Eksodus 15:11

‘Piw yw haval dhis, A Arloedh, yn mysk an duwow? Piw yw haval dhis, meur yn sansoleth, euthyk yn gwriansow splann, ow kul marthusyon?

Lavarow Koth 15:24

Fordh bewnans a led yn-bann rag den doeth, dh'y witha rag mos dhe ifarn a-woeles.

Lavarow Koth 24:7

Furneth yw re ughel rag den foll, hag ny iger ev y anow y'n yet.

Ysay 40:18

Piw dhodho yth hevelebowgh Duw, po py hevelep a vynnowgh y wul dhodho?

Ysay 40:25

Ytho piw dhodho y'm hevelebowgh, may fiv par dhodho? yn-medh an Sans.

Ysay 5:16

Mes Arloedh an luyow a vydh ughelhes yn gwirvreus, ha'n Duw sans a vydh sanshes yn ewnder.

Ysay 55:9

Rag par dell yw an nevow ughella ages an norvys, yndella yth yw ow fordhow vy ughella ages agas fordhow hwi, ha'm prederow vy ages agas prederow hwi.

Yeremia 10:7

Piw ny berth own ahanas, A Vyghtern an kenedhlow? Rag henn yw an pyth a dhegoedh dhis: yn mysk tus fur an kenedhlow, hag yn oll aga gwlaskordhow, nyns eus nagonan haval dhis.

Luk 1:49

rag ev neb yw galloesek re wrug oberow meur ragov, ha sans yw y hanow ev,

Dewteronomi 3:24

‘Arloedh Duw, ty re dhallathas diskwedhes dhe'th was dha veuredh ha dha dhorn grev; rag py duw eus yn nev hag yn nor neb a yll gul kepar ha'th wriansow ha'th oberow galloesek?