Salmow 69:21 - An Bibel Kernewek 20234 (Kernewek Kemmyn)

²¹ I a ros dhymm ynwedh bystel rag ow boes, hag y'm syghes i a ros dhymm aysel.

An Sowter 1997 2023

²¹ I a ros dhymm ynwedh bystel rag ow boes : hag y'm syghes i a ros dhymm aysel.

Salmow 69:21 ပူးပေါင်းရင်းမြစ်များ

Ekklesiastes 4:1

Ytho my a dreylyas arta dhe weles oll an arwask yw gwrys yn-dann an howl. Hag otta, dagrow an dus arweskys: ny's teves konforter; denvyth ny's delirv dhiworth nerth aga arwaskoryon; ny's teves konforter.

Yeremia 23:15

Ytho yndellma y lever Arloedh an luyow a-dro dhe'n brofoesi: ‘Otta, my a's boes gans fuelenn ha gul dhedha eva dowr gwenonek; rag a-dhiworth profoesi Yerusalem ansansoleth res eth yn oll an tir.’

Yeremia 8:14

Prag yth on esedhys stag? Omguntellewgh, hag entryn y'n sitys kerys, ha merwel ena: rag an Arloedh agan Duw re'gan daskorras dhe'n mernans, ha ri dhyn dowr gwenonek dhe eva, drefenn ni dhe begha erbynn an Arloedh.

Yeremia 9:15

Rakhenna yndellma y lever Arloedh an luyow, Duw Ysrael: Otta, my a vag an bobel ma gans fuelenn, ha ri dhedha dowr gwenonek dhe eva.

Kynvannow 1:2

Oela a wra hi truan nosweyth, ha'y dagrow war hy diwvogh; Nyns eus dhedhi konforter vyth a'y haroryon oll; Pubonan a'y howetha re's toellas, i re dheuth ha bos hy eskerens.

Kynvannow 1:9

Yth esa hy avlander yn hy lostennow, ny ombrederi a'y thenkys; rakhenna marthys veu hy therroes, nyns esa dhedhi konforter vyth. ‘Gwel, A Arloedh, ow anken, rag an eskar re dryghis!’

Matthew 27:34

i a ros dhodho dhe eva gwin kemmyskys gans bystel; mes wosa ev dh'y dastya, ny vynnas y eva.

Matthew 27:48

Ha dihwans onan anedha a boenyas dhe gavoes spong hag a'n lenwis a aysel ha'y worra war welenn ha'y ri dhodho dhe eva.

Mark 15:23

Hag i a ros dhodho dhe eva gwin kemmyskys gans myrr; mes ny'n kemmeras.

Mark 15:36

Ha nebonan a boenyas dhe lenwel spong a aysel, ha'y worra war gorsenn, ha'y ri dhodho dhe eva, ow leverel, ‘Gesewgh ni gweles mar teu Elias dh'y dhoen yn-nans!’

Luk 23:36

Ha'n soudoryon ynwedh a wrug ges anodho, ow tos ha profya dhodho aysel,

Dewteronomi 29:18

Bedhewgh war ma na fo ynnowgh hwi gour na benyn na kordh na loeth may treyl y golonn hedhyw dhiworth an Arloedh agan Duw dhe gerdhes ha servya duwow an kenedhlow ma; ma na vo ynnowgh hwi gwreydhenn ow toen kegis ha fuelenn.