Salmow 69:20 - An Bibel Kernewek 20234 (Kernewek Kemmyn)

²⁰ Mewl re dorras ow holonn, ha paynys bras a'm beus. My a hwilas neb a gemmerra truedh ahanav, mes nyns esa; ha konforters, mes ny's kevis.

An Sowter 1997 2023

²⁰ Mewl re dorras ow holonn; ha paynys bras a'm beus : my a hwilas neb a gemmerra truedh ahanav, mes nyns esa; ha konforters, mes ny's kevis.

Salmow 69:20 ပူးပေါင်းရင်းမြစ်များ

Job 16:2

‘My re glewas lies tra a'n par na; konforters ow ri dhymm ahwer owgh hwi oll:

Salmow 123:4

Agan enev yw lenwys yn tien a skorn an re yw attes, hag a dhespit an re woethus.

Salmow 142:4

Mir orth ow leuv dhyghow ha gwel, rag nyns eus denvyth a'm aswonno; skovva a fyllis dhymm, nyns eus neb a wittho ow enev.

Salmow 42:10

Ha'm eskern ow pos brewys, ow eskerens a'm skorn, ow leverel dhymm oll an jydh, ‘Ple'ma dha Dhuw?’

Salmow 42:6

Ow Duw, digolonnek yw ow enev a-bervedh ynnov; rakhenna my a berth kov ahanas a dir Yordan ha'n Hermonow, a venydh Misar.

Ysay 63:5

My a viras, mes nyns esa denvyth ow kweres; skruth a'm kemmeras, nag esa denvyth ow skoedhya; ytho ow bregh ow honan a wrug delivrans, ha'm sorr a'm skoedhyas.

Matthew 26:56

Mes oll hemma yw hwarvedhys may fo kollenwys skrifow an brofoesi.’ Ena oll an dhyskyblon a'n gasas ha fia dhe'n fo.

Mark 14:37

Hag ev a dheuth hag a's kavas ow koska hag yn-medh ev dhe Peder, ‘Simon, koska a wredh? A ny yllsysta goelyas unn our?

Mark 14:50

Hag i a'n gasas kettep onan, hag a fias dhe'n fo.

Yowann 12:27

‘Lemmyn ow enev yw troblys; ha pandr'a lavarav? “A Das, gwra ow selwel dhiworth an eur ma”? Mes rakhemma y teuth vy bys y'n eur ma.

Yowann 16:32

Otta, termyn a dheu, ha re dheuth, pan vydhowgh skattrys, peub dh'y dre, ha'm gasa ow honan; mes nyns ov vy ow honan, rag bos an Tas genev.

Ebrowyon 11:36

Re erell a wodhevis skorn ha skorjya, ha hwath kadonyow ha prisonyans.