Salmow 68:5 - An Bibel Kernewek 20234 (Kernewek Kemmyn)

⁵ Tas dhe'n omdhivasow, ha breusyas an gwedhwesow, yndella yw Duw yn y drigva sans.

An Sowter 1997 2023

⁵ Tas dhe'n omdhivasow, ha breusyas an gwedhwesow : yndella yw Duw yn y drigva sans.

Salmow 68:5 ပူးပေါင်းရင်းမြစ်များ

2 Kroniklys 30:27

Ena an oferysi ha'n Levysi a sevis yn-bann ha benniga an bobel, ha'ga lev o klewys; ha'ga fysadow a dheuth dh'y drigva sans yn nev.

2 Kroniklys 6:2

My re dhrehevis chi ughel, tyller ragos dhe driga ynno bys vykken.’

Salmow 10:14

Ty re'n gwelas, rag ty a wra vri a dhregynn ha poenvos, dh'y gemmeres y'th tiwleuv; an anfeusik a gemmynn y honan dhiso jy; ty yw gwereser an omdhivas.

Salmow 10:18

dhe ri gwirvreus dhe'n omdhivas ha'n den arweskys, ma na wrello den war an nor gorra own namoy.

Salmow 118:19

Igor dhymm an porthow a ewnder, yth av a-ji dhedha ha grassa dhe'n Arloedh.

Salmow 146:9

An Arloedh a with an alyons; ev a skoedh an omdhivas ha'n wedhwes, mes fordh an debeles ev a dhomhwel.

Salmow 150:6

Oll myns a'n jeves anall, gormelens i an Arloedh. Gormelewgh an Arloedh.

Salmow 33:14

dhiworth tyller y drigva ev a vir orth oll trigoryon an norvys.

Salmow 72:2

Re vreusso ev dha bobel gans ewnder, ha'th voghosogyon gans gwirvreus.

Salmow 72:4

Re vreusso ev an voghosogyon yn mysk an bobel, ha sawya mebyon an den edhommek, ha brewi an den a'm gwask.

Eksodus 3:15

Duw a leveris ynwedh dhe Moyses, ‘Lavar hemma dhe vebyon Ysrael, “An Arloedh, Duw agas tasow, Duw Abraham, Duw Ysak, ha Duw Yakob, re'm dannvonas dhywgh”: hemm yw ow hanow bys vykken, hag yndellma my a vydh kovhes dres henedhow oll.

Ysay 1:23

Dha bennsevigyon yw penn-kales, ha keskowetha ladron; pubonan anedha a gar falswober ha helghya rohow. Ny rons gwirvreus dhe'n omdhivas, ha ken an wedhwes ny dheu a-ragdha.

Ysay 12:4

Y'n jydh na hwi a lever: Gormelewgh an Arloedh, gelwewgh war y hanow; gwrewgh y wriansow godhvedhys yn mysk an poblow, deklaryewgh y hanow dhe vos ughelhes.

Ysay 57:15

Rag yndellma y lever an ughel hag eksaltys neb a drig trank heb worfenn, ha sans yw y hanow: Trigys esov yn tyller ughel ha sans, hag ynwedh gans an den yw keudhesik hag isel y spyrys, dhe wul dhe spyrys an re uvel dasvewa ha dhe wul dhe golonn a'n re brewys dasvewa.

Ysay 66:1

Yndellma y lever an Arloedh: Nev yw ow thron ha'n norvys yw ow skavell-droes; ple'ma'n chi a dhrehevowgh dhymm? ple fydh ow fowesva?

Yeremia 49:11

Gas dha omdhivasow, my a's gwith yn few; ha gas dha wedhwesow dhe fydhya ynnov.

Yeremia 5:28

Tevys tew yns, ha korfek. Nyns eus finweth dh'aga drog wriansow; ny vreusons gans gwirvreus ken an omdhivas, may sewenno; ha gwir an edhommogyon ny vreusons.

Hosea 14:3

Ny wra Assyria agan sawya; ny wren ni marghogeth war vergh. Ny leveryn arta “Agan duwow” dhe ober agan diwla, rag ynnos jy y kyv an omdhivas truedh.’

Efesianys 5:1

Ytho, gwrewgh Duw agas patron, kepar ha fleghes karadow,

Dewteronomi 10:18

ow kul gwirvreus dhe'n omdhivas ha'n wedhwes, hag ow kara an alyon, ow ri dhodho bara ha dillas.

Dewteronomi 26:15

Mir war-woeles yn-mes a'th trigva sans dhiworth nev ha bennik dha bobel Ysrael ha'n tir re resys dhyn kepar dell desys dh'agan tasow, tir a dhinwa leth ha mel.’