Salmow 66:14 - An Bibel Kernewek 20234 (Kernewek Kemmyn)

¹⁴ a leveris ow diwweus hag a gewsis ow ganow pan esen yn poenvos.

An Sowter 1997 2023

¹⁴ Dewgh ha klewewgh, oll hwi a berth own a Dhuw : ha my a dheriv an pyth a wrug ev rag ow enev.

Salmow 66:14 ပူးပေါင်းရင်းမြစ်များ

Salmow 18:6

Y'm anken my a elwis war an Arloedh, ha dhe'm Duw y kriis vy rag gweres. Ev a glewas ow lev yn-mes a'n tempel, ha'm kri a-dheragdho a dheuth bys yn y dhiwskovarn.

1 Samuel 1:11

Ha hi a ambosas ambos ha leverel, ‘A Arloedh an luyow, mar mirydh dhe wir war alar dha vaghteth, ha perthi kov ahanav, ha ny ankevydh dha vaghteth, mes ri dhe'th vaghteth mab, ena my a'n re dhe'n Arloedh oll dydhyow y vewnans, ha ny wra altenn vyth tochya y benn.’

2 Samuel 22:7

Y'm anken my a elwis war an Arloedh, ha dhe'm Duw y helwis vy. Ev a glewas ow lev yn-mes a'n tempel, ha'm kri a dheuth bys yn y dhiwskovarn.

Niverow 30:12

Mes mar kwra hy gour aga dilea y'n jydh ma's klew, ena pyth pynag a dheffo a'y diwweus a-dro dh'y ambosow, po a-dro dh'y dedhewadyow, ny wra sevel: hy gour re's dileas, ha'n Arloedh a wra gava dhedhi.

Niverow 30:8

Mes y'n jydh may teu hy gour dhe glewes anodho ha'y skonya dhedhi, ena ev a wra dilea hy ambos esa warnedhi, ha'n lavar dibreder a'y diwweus, dredho mayth omgolmas; ha'n Arloedh a wra gava dhedhi.

Niverow 30:2

Gour pan wra ambos dhe'n Arloedh, po pan de ti dhe omgelmi dre dhedhewadyow, ny wra terri y er; ev a wra herwydh pup-tra a dheu a'y anow.

Jenesis 35:3

ha gesewgh ni dhe sevel ha mos yn-bann dhe Bethel, ha gul alter ena dhe'n Duw a'm gorthybis yn dydh ow foenvotter, hag esa genev y'n fordh may kerdhis.’