Salmow 65:8 - An Bibel Kernewek 20234 (Kernewek Kemmyn)

⁸ Ynwedh an re a drig yn pella sornow an nor a berth own a'th toknys; ty a wra dhe borthow an bora ha'n gorthugher kana gormola.

An Sowter 1997 2023

⁸ Ynwedh an re a drig yn pella sornow an nor a berth own a'th toknys : ty a wra dhe borthow an bora ha'n gorthugher kana gormola.

Salmow 65:8 ပူးပေါင်းရင်းမြစ်များ

Jenesis 8:22

Hedre vo an nor ow pesya, hasa ha trevas, yeynder ha toemmder, hav ha gwav, dydh ha nos, ny wrons sessya.’

Job 38:12

‘A resys gorhemmynnow dhe'n myttin yn oll dha vewnans, po diskwedhes dhe'n bora y dyller,

Salmow 107:29

Ev a wrug an hager-awel kalmynsi, may tewis tonnow an mor.

Salmow 126:2

Ena lenwys veu agan ganow a hwarth, ha'gan taves a lowena. Ena y lavarsons yn mysk an kenedhlow, ‘An Arloedh re wrug taklow meur rag an re ma.’

Salmow 135:9

Ev a dhannvonas toknys ha marthusyon y'n kres ahanas, A Ejyp, erbynn Faro hag erbynn oll y wesyon.

Salmow 136:8

an howl dhe rewlya dydhweyth, rag y dregeredh a dhur bys vykken;

Salmow 148:3

Gormelewgh ev, howl ha loer; gormelewgh ev, oll hwi ster ow splanna.

Salmow 19:5

a dheu yn-mes avel gour pries dhiworth y jambour, ow lowenhe avel kampyer dhe boenya yn y hyns.

Salmow 2:8

Govynn orthiv, ha my a re dhis an kenedhlow y'th ertach, ha pennow pella an nor y'th perghennogeth.

Salmow 65:13

An peurvaow re omwiskas gans flokkys, an nansow re omgwethas gans ys, i a arm gans lowender, ha kana.

Salmow 66:3

Leverewgh dhe Dhuw, ‘Ass osta euthyk y'th wriansow! Dre vraster dha nerth yth ombleg dha eskerens dhiso jy.

Salmow 74:16

Ty a bew an jydh, dhiso jy ynwedh yw an nos; ty re bareusis an golow ha'n howl.

Salmow 89:10

Ty re vrewis Rahab dhe eneworres; ty re skattras dha eskerens gans nerth dha vregh.

Ysay 17:13

Kenedhlow a darenn avel tarennans dowrow pals, mes ev a's keredh hag y fions pell, helghys avel us war an menydhyow a-rag an gwyns, hag avel has askall a-rag an awel.

Dewteronomi 4:19

Ha pan dhrehevydh dha dhewlagas war-tu ha'n ebron ha gweles an howl, ha'n loer, ha'n ster, oll lu an nevow, na vedhewgh kammledys dh'aga gordhya na'ga servya – taklow a wrug an Arloedh dha Dhuw kevrenna dhe oll an poblow yn-dann an ebron dhien.

Diskwedhyans 11:13

Hag y'n keth eur y feu dorgrys bras ha'n degves rann a'n sita a goedhas, hag y'n dorgrys seyth mil dhen a veu ledhys, ha'n re erell a veu dyegrys ha ri gordhyans dhe Dhuw nev a wrussons i.