Salmow 62:4 - An Bibel Kernewek 20234 (Kernewek Kemmyn)

⁴ I a omgusul unnweyth fatell yllons y dewlel dhe'n dor dhiworth y ughelder; i a gemmer plesour yn gowyow; i a vennik gans aga ganow, mes i a volleth yn aga holonn. Sela.

An Sowter 1997 2023

⁴ I a omgusul unnweyth fatell yllons y dewlel dhe'n dor dhiworth y ughelder : i a gemmer plesour yn gowyow; i a vennik gans aga ganow, mes i a volleth yn aga holonn.

Salmow 62:4 ပူးပေါင်းရင်းမြစ်များ

Salmow 119:163

Falsuri a gesis vy, ha'y skonya, mes dha lagha a garav.

Salmow 28:3

Na'm kemmer vy dhe-ves gans an debeles na gans an dhrogoberoryon, neb a lever kres gans aga hynsa, ha dregynn yn aga holonn.

Salmow 5:9

Rag nyns eus lelder yn aga ganow; aga holonn yw leun a spit. Aga lonk yw logel igor, i a fekyl gans aga thaves.

Salmow 51:6

Otta, hwansek osta dhe wirder y'n rannow a-bervedh, hag yn-dann gel ty a dhysk dhymm furneth.

Salmow 52:3

Ty a gar drog moy ages da, ha gowleverel moy ages kewsel gwiryonedh. Sela.

Salmow 55:21

Aga ganow o levenna es amanynn, mes yth esa bresel yn aga holonn; aga lavarow o medhella ages olew, mes yth ens i kledhedhyow noeth.

Lavarow Koth 13:5

Den gwiryon a gas gow, mes tebelwas yw divlas, ha methus y fara.

Lavarow Koth 6:17

lagasow goethus, taves gowek, diwla hag a skoell goes gwiryon,

Ysay 30:13

rakhenna an kammweyth ma a vydh ragowgh avel aswa yn fos ughel parys dhe goedha, deantell, balek, may teu hy thorrva distowgh, a-dhesempis.

Hosea 7:3

I a heudhha an myghtern der aga droktra, ha pennternedh der aga gowyow.

Matthew 2:16

Ena Herod ow kweles ges dhe vos gwrys anodho gans an dus fur o meur serrys hag a dhannvonas ha ladha oll an fleghes esa yn Bethlehem hag yn oll an pow a-dro, a dhew vloedh ha le ages henna, herwydh an termyn a dhys'sa gans an dus fur.

Matthew 22:15

Ena an Fariseow a omdennas ha kemmeres kusul fatell wrellens y vaglenna yn y lavarow.

Matthew 22:23

Y'n keth jydh na y teuth dhodho Sadukeow neb a lever nag eus dasserghyans, hag i a wovynnas orto

Matthew 27:1

Ha ternos vyttin, oll an bennoferysi ha henavogyon an bobel a wrug omgusulyans erbynn Yesu rag y worra dhe'n mernans;

Luk 11:39

Mes yn-medh an Arloedh dhodho, ‘Lemmyn hwi Fariseow a wolgh an tu a-ves a'n hanaf ha'n skudell, mes war-ji yth owgh leun a ladrans ha droktra.

Luk 20:20

Hag i a viras orto gluw, ha dannvon aspioryon neb a omwrug gwiryon, dh'y vagla yn y lavarow, rag ma'n daskorrons dhe awtorita ha galloes an governour.

Yowann 8:44

Hwi yw dhiworth agas tas an jowl, ha hwi a vynn gul hwansow agas tas. Ev a veu denledhyas a'n dalleth ha ny sevis y'n gwir, rag nyns eus gwiryonedh ynno. Pan lever gow, ev a lever a'y gnas y honan, rag gowleveryas yw ev, ha tas gowyow.

Romanyon 1:32

Kyn hwodhons ordenans Duw may tegoedh an mernans dhe'n re a wra taklow a'n par ma, ny's gwrons yn unnsel mes plegadow gansa yw an re a's gwra.

Romanyon 7:22

Rag y lowenhav yn lagha Duw y'm kowses usi ynnov ow honan,

Diskwedhyans 22:15

A-ves yma an keun, ha'n bystrioryon, ha'n re a wra fornikasyon ha denladh, ha'n re a wordh idolys, ha pubonan a gar ha gul falsuri.