Salmow 62:12 - An Bibel Kernewek 20234 (Kernewek Kemmyn)

¹² Ha dhiso jy, A Arloedh, yma tregeredh; rag ty a attal dhe bub huni herwydh y oberow.

An Sowter 1997 2023

¹² Ha dhiso jy, A Arloedh, yma tregeredh : rag ty a attal dhe bub huni herwydh y oberow.

Salmow 62:12 ပူးပေါင်းရင်းမြစ်များ

Matthew 16:27

Rag Mab an den a dal dos yn golewder y Das gans y eledh, hag ena attyli a wra ev dhe bubonan herwydh y ober.

Salmow 103:8

An Arloedh yw truedhek ha grassyes, lent ow serri ha meur y dregeredh.

Job 34:11

Ev a attal dhe dhen an pyth re wrug, hag a surha gour dhe gavoes an pyth re dhendilas.

Romanyon 2:6

Rag yth attal dhe bub den herwydh y oberow:

Salmow 86:15

Mes ty, A Arloedh, yw Duw truedhek ha grassyes, lent ow serri, ha meur dha dregeredh ha'th wirder.

2 Korinthianys 5:10

Rag y telledh ni oll dhe omdhiskwedhes a-rag barr Krist, may tegemmerro kettep penn an pyth a goedh dhodho herwydh an traow gwrys, hag ev y'n korf, po da po drog.

1 Korinthianys 3:8

Neb a blans ha neb a dhowr yw parow, ha kettep onan a wra degemmeres y wober herwydh y wonis y honan.

Mika 7:18

Py Duw yw haval dhis, ow kava droktra hag owth ankevi kammwrians an remenant a'y eretons? Ny with ev y sorr bynnari, drefenn bos mall ganso a dregeredh.

Daniel 9:9

Dhe'n Arloedh agan Duw yma truedh ha gevyans; rag ni re rebellyas er y bynn,

Ezekiel 18:30

Rakhenna my a'gas breus pubonan war-lergh y fordhow, a ji Ysrael, yn-medh an Arloedh Duw. Koedhewgh yn edrek ha treylyewgh agas honan dhiworth oll agas kammweythresow; ena ny vydh drogober dhywgh ken a drebuchya.

Lavarow Koth 24:12

Mar leverydh, ‘Ny'n godhyen’, a ny'n gwel ev neb a boes an kolonnow? A ny'n goer ev neb a with dha enev? A ny attal dhe dhen herwydh y oberow?

Diskwedhyans 22:12

‘Otta, my a dheu yn skon, hag yma ow gober genev, dhe ri dhe beub kepar dell yw y ober.

1 Peder 1:17

Ha mar kelwowgh warnodho avel Tas, ev neb a vreus heb plegyans war-lergh gwrians pub den, gwrewgh spena termyn agas godrik yn own.

Kolossianys 3:25

Rag neb a wra kamm a wra degemmeres kessydhyans an pyth a wrug ev kamm, ha nyns eus faverans.

Efesianys 6:8

ow kodhvos pub den, py dader pynag a wrello, hag ev keth po rydh, dhe dhegemmeres hemma dhiworth an Arloedh.

Daniel 9:18

Ow Duw, ro dha skovarn ha klewes; igor dha dhewlagas ha mir orth agan ahwer, hag orth an sita may feu dha hanow gelwys warnedhi; nyns yw drefenn agan gwiryonsys ni may profyn agan aspysadow a-ragos, mes drefenn dha druedh bras.

Ezekiel 33:20

Hwi a lever, ‘Fordh an Arloedh yw anewn.’ Mes my a vreus pubonan herwydh y fordhow, A ji Ysrael.

Ezekiel 7:27

An myghtern a gyn, ha'n pennsevik a vydh gwiskys yn euth; diwla pobel an tir a gren. My a's dyght war-lergh aga fordh, ha my a's breus war-lergh aga breusow. Ena i a woer my dhe vos an Arloedh.

Yeremia 32:19

meur yn kusul ha nerthek yn gweythres; rag dha lagasow yw igor dhe oll an fordhow a vab-den, dhe ri dhe beub war-lergh y fordhow, ha war-lergh frut y weythresow.

Salmow 103:17

Mes tregeredh an Arloedh re beu bythkweth hag a vydh bys vykken war an re a berth own anodho, ha'y ewnder dhe fleghes aga fleghes;

Salmow 86:5

Rag ty, A Arloedh, yw kuv ha parys dhe ava, meur dha dregeredh orth oll an re a elow warnas.

1 Kroniklys 29:12

Rychys ha glori a dheu dhiworthis, ha ty a rewl pup-tra, hag y'th leuv yma krevder ha nerth. Y'th leuv yma an galloes dhe veurhe ha dhe grevhe pup-tra.

Job 9:19

Mars yw mater a grevder, mir ha galloesek yw ev! Mars yw mater a wirvreus, piw a yll settya termyn rag ow goslowva?

Job 33:14

Rag Duw a gews yn unn fordh, hag ena yn arall, kyn na wra den vri a henna.

Job 37:23

An Ollgalloesek – ny yllyn y gavoes; meur yw y nerth, ha'y vreus, hag yn y wirvreus ha'y ewnder bras ny arwask ev.