Salmow 62:1 - An Bibel Kernewek 20234 (Kernewek Kemmyn)

¹ Ow enev yn tevri a worta an Arloedh; dhiworto y teu ow selwyans.

An Sowter 1997 2023

¹ Ow enev yn tevri a worta an Arloedh : dhiworto y teu ow selwyans.

Salmow 62:1 ပူးပေါင်းရင်းမြစ်များ

1 Kroniklys 25:1

Davydh ha hembrenkysi an lu a settyas a-denewen ynwedh rag servis re a vebyon Asaf, Heman, ha Yeduthun, dhe brofoesa gans sowtris, telynnow ha symbalys. Rol an wre a wre an servis rag an ober ma o:

1 Kroniklys 25:3

A vebyon Yeduthun: Gedalia, Seri, Yeshaia, Shimei, Hashabia ha Mattithia, an hwegh ma yn-dann aga thas Yeduthun, neb a brofoesa gans an sowtri, ow kodhvos gras ha gormel dhe'n Arloedh.

Salmow 121:2

Ow gweres a dheu a-dhiworth an Arloedh, neb a formyas nev ha nor.

Salmow 123:2

Otta, kepar dell vir dewlagas servysi orth leuv aga mestrysi, ha dewlagas maghteth orth leuv hy mestres, yn kettella agan dewlagas ni a vir orth an Arloedh, erna gemmerro truedh ahanan.

Salmow 25:5

Hembronk vy y'th wirder, ha dysk dhymmo vy, rag ty yw Duw ow selwyans; ynnos jy y trestyav oll an jydh.

Salmow 27:14

Gwra fydhya y'n Arloedh; bydh nerthek ha bedhes dha golonn konfortys; ha gorta an Arloedh.

Salmow 33:20

Agan enev a worta an Arloedh; ev yw agan gweres ha'gan skoes.

Salmow 37:39

Yma selwyans dhe'n re wiryon dhiworth an Arloedh, aga skovva yn termyn anken.

Salmow 37:7

Bydh kosel a-dherag an Arloedh, ha gwra y wortos gans perthyans; na sorr drefenn an den a sewen yn y fordh, drefenn an gour a ober droktowlow.

Salmow 39:1

Yn-medhav, ‘My a with ow fordhow rag na begghiv gans ow thaves; my a with ow ganow gans fronn hedre vo an tebelwas y'm gwel.’

Salmow 40:1

My a wortas an Arloedh gans perthyans; hag ev a blegyas dhymm ha klewes ow kri.

Salmow 62:2

Ev y honan yw ow harrek ha'm selwyans, ow dinas ma na vydhav disevys nevra.

Salmow 65:1

Y tegoedh dha wormel, A Dhuw, yn Sion, ha dhiso jy y fydh an ambos kollenwys.

Salmow 77:1

My a elwis war Dhuw gans ow lev, war Dhuw y helwis gans ow lev, hag ev a ros skovarn dhymm.

Ysay 12:2

Otta, Duw yw ow selwyans; my a fydh, ha ny borthav own, rag an Arloedh Duw yw ow nerth ha'm kan, hag ev yw ow selwyans.

Ysay 30:18

Rakhenna an Arloedh a worta dhe vos grassyes orthowgh; ha rakhenna ev a sev dhe gemmeres truedh ahanowgh. Rag an Arloedh yw Duw a wirvreus, gwynnvys kemmys a'n gorta.

Ysay 40:31

mes an re a worta an Arloedh a nowydhha aga nerth. I a yskynn gans eskelli avel eryon; i a boen heb bos skwith, i a gerdh heb klamdera.

Yeremia 3:23

Yn hwir euver yw toell an breow, ha tervans an menydhyow: yn hwir y'n Arloedh agan Duw yma selwyans Ysrael.

Kynvannow 3:25

Da yw an Arloedh dhe seul a'n worto, dhe'n enev a'n hwillo.

Kynvannow 3:38

A nyns yw yn-mes a anow an Ughella y teu drog ha da?

Jamys 5:7

Ytho, perthewgh, a vreder bys yn devedhyans an Arloedh. Otta, an tiek a worta frut drudh an dor, meur y berthyans yn y gever, erna dhegemmerro an glaw a-varr ha'n glaw diwedhes.