Salmow 60:2 - An Bibel Kernewek 20234 (Kernewek Kemmyn)

² Ty re gryghyllis an nor, ha'y folsa; yaghha y dorrvaow, rag ev a gren.

An Sowter 1997 2023

² Ty re gryghyllas an nor, ha'y folsa : yaghha y dorrvaow, rag ev a gren.

Salmow 60:2 ပူးပေါင်းရင်းမြစ်များ

2 Samuel 22:8

An nor a grenas ha kryghylli; selyow an nevow a grysyas; i a grenas, rag y vos serrys.

2 Samuel 8:1

Wosa hemma Davydh a weskis an Filistysi, ha'ga fetha; ha Davydh a gemmeras Metheg-amma yn-mes a leuv an Filistysi.

1 Kroniklys 18:12

Abishay mab Seruya, a ladhas etek mil Edomyas yn nans an Hoelan.

1 Kroniklys 18:3

Davydh a weskis Hadadezer myghtern Soba Hamath, pan esa ow mos dhe fastya y vaystri ryb an avon Ewfrates.

1 Kroniklys 18:5

Pan dheuth Aram Damaskus dhe weres Hadadezer myghtern Soba, Davydh a weskis Aram, ha ladha dew vil warn ugens a wer.

2 Kroniklys 7:14

mar omuvelha ow fobel yw henwys gans ow hanow, ha pysi ha hwilas ow fas ha treylya dhiworth aga fordhow drog, ena my a glew a nev, ha my a av dhedha aga fegh ha yaghhe aga thir.

Job 5:18

Rag ev a woli, hag ev a lystenn; ev a wysk, ha'y dhiwleuv a saw.

Job 9:6

Ev a shak an norvys yn-mes a'y le, ha'y golovenyow a gren.

Salmow 104:32

Ev a vir orth an nor ha'n nor a gren, ev a doch an menydhyow hag i a veg.

Salmow 114:7

Kren, A dhor, a-dherag an Arloedh, a-dherag Duw Yakob,

Salmow 18:7

Ena an nor a grenas ha kryghylli; ha selyow an menydhyow a grysyas ha krena, rag y vos serrys.

Salmow 89:40

Ty re dorras oll y geow ev; ty re wrug y dhinasow magoryow.

Eksodus 15:11

‘Piw yw haval dhis, A Arloedh, yn mysk an duwow? Piw yw haval dhis, meur yn sansoleth, euthyk yn gwriansow splann, ow kul marthusyon?

Ysay 30:26

Golow an loer a vydh avel golow an howl, ha golow an howl a vydh seythplek, avel golow seyth dydh, y'n jydh may kelm an Arloedh torrva y bobel, ha yaghhe goli an strekys a weskis.

Ysay 5:25

Rakhenna sorr an Arloedh a dhew erbynn y bobel, hag ev a ystynn y leuv er hy fynn ha'y gweskel. An menydhyow a gren, ha'ga horfow yw avel atal yn kres an stretys. Yn despit dhe oll hemma, ny dreyl y sorr dhe-ves, ha'y leuv yw hwath ystynnys.

Ysay 7:8

rag penn Aram yw Damaskus ha penn Damaskus yw Resin; hag a-ji dhe bymp blydhen ha tri-ugens Efraym a vydh terrys dhe demmyn ma na vydh pobel na fella.

Yeremia 10:10

Mes an Arloedh yw gwir Dhuw, ev yw an Duw bew, ha myghtern heb diwedh: orth y sorr an norvys a gren, ha ny yll an kenedhlow perthi y sorrvann.

Yeremia 14:17

Ytho ty a lever an ger ma dhedha: Diveres ow lagas dagrow yn-nans nos ha dydh, na hedhens: rag an wyrghes, myrgh ow fobel, yw gweskys gans goli meur, gans strekys pur ankensi.

Yeremia 30:17

Rag my a asver yeghes dhis, ha my a yaghha oll dha woliow, yn-medh an Arloedh, drefenn i dhe'th henwel gal, ow leverel: ‘Sion yw; denvyth ny's hwila!’

Yeremia 4:24

My a viras war an menydhyow, hag, otta yth esens ow krena, hag yth esa an breow oll kryghyllys.

Yeremia 48:38

War do pub chi yn Moab, hag yn hy stretow nyns eus marnas kynvann; rag my re dorras Moab avel lester nag eus hwans anodho, yn-medh an Arloedh.

Kynvannow 2:13

Pandr'a allav y leverel a-dro dhis, pandr'a gehavalav dhis, a vyrgh Yerusalem? pandr'a gomparyav genes ma'th konfortiv, A wyrghes, myrgh Sion? Rag mar vras avel an mor yw dha derroes; piw a yll dha yaghhe?

Ezekiel 34:16

An re kellys a hwilav, ha'n re gyllys yn stray a dhrov dhe dre, ha'n re terrys a golmav, ha'n re wann a grevhav; mes an re dew ha'n re grev my a dhistru. My a's mag gans breus.

Hosea 6:1

Dewgh, dehwelyn dhe'n Arloedh: rag ev re skwardyas, hag a wra agan sawya; ev re weskis, hag a wra agan lystenna.

Amos 8:8

A ny gren an tir rakhemma ha myns eus trigys ynno kyni? Oll an tir a sev kepar ha'n Nil, ha frosa ha koedha arta kepar ha'n Nil yn Ejyp.

Habakkuk 3:10

An menydhyow a'th welas hag i a grenas; liv a dhowrow a dremenas; an islonk a dhellos y lev ha drehevel y dhiwleuv yn-bann.

Matthew 27:51

Hag otta, vayl an tempel a veu skwardys yntra diw rann, a'n penn a-wartha bys y'n goeles, hag y feu dorgrys ha'n karregi a veu folsys,