Salmow 60:1 - An Bibel Kernewek 20234 (Kernewek Kemmyn)

¹ A Dhuw, ty re'gan skonyas, ha'gan terri; ty re sorras; treyl arta dhyn ni.

An Sowter 1997 2023

¹ A Dhuw, ty re'gan skonyas, ha'gan terri : ty re sorras; treyl arta dhyn ni.

Salmow 60:1 ပူးပေါင်းရင်းမြစ်များ

2 Samuel 10:16

Hadadezer a dhannvonas ha dri yn-mes an Aramysi esa dres an Avon; hag i a dheuth dhe Helam, ha Shobak kaslewydh lu Hadadezer orth aga ledya.

2 Samuel 5:20

Ytho Davydh a dheuth dhe Baal-perasim, ha Davydh a's fethas ena. Yn-medh ev, ‘An Arloedh re dardhas der ow eskerens der ow leuv, kepar dell dardh dowrow.’ Rakhenna ev a elwis an tyller na Baal-perasim.

2 Samuel 8:14

Ev a settyas savleow-gwithysi yn Edom; der oll Edom ev a settyas savleow-gwithysi, hag oll Edom eth ha bos gwesyon dhe Davydh. Ha'n Arloedh a ros trygh dhe Davydh plepynag yth e.

2 Samuel 8:3

Davydh ynwedh a weskis Hadadezer mab Rehob, myghtern Soba, pan esa ow mos dhe dhaskavoes y vaystri ryb an avon Ewfrates.

2 Myghternedh 14:7

Ev a ladhas deg mil Edomyas yn nans an Hoelan ha dalghenna Sela dre vresel, ha'y henwel Yoktheel, dell yw bys y'n jydh hedhyw.

1 Kroniklys 18:3

Davydh a weskis Hadadezer myghtern Soba Hamath, pan esa ow mos dhe fastya y vaystri ryb an avon Ewfrates.

1 Kroniklys 28:9

‘Ha ty, Solomon ow mab, aswonn Duw dha das, ha'y servya a leun golonn ha gans brys bolonjedhek; rag an Arloedh a hwither oll kolonnow, hag ev a gonvedh pub towl ha pub preder. Mara'n hwilydh, ev a vydh kevys genes; mes mara'n eskasydh, ev a'th tenagh bys vykken.

2 Kroniklys 25:11

Amasia a gemmeras kolonn hag a ledyas y bobel yn-mes; ev eth dhe nans an Hoelan, hag ev a ladhas deg mil souder a Seir.

Salmow 108:11

A ny'gan skonsys, A Dhuw? Nyns edh yn-mes gans agan luyow.

Salmow 44:9

Byttegyns ty re'gan skonyas, ha'gan shamya, ha nyns edh jy yn-rag gans agan luyow.

Salmow 59:1

Gwra ow delivra dhiworth ow eskerens, A Dhuw; gwith vy rag an re a sev er ow fynn.

Salmow 59:11

Na's ladh, ma na ankoffo ow fobel; gwra i dhe wandra gans dha nerth, ha'ga dri dhe'n dor, A Arloedh agan skoes.

Salmow 60:10

A ny'gan forsaksys, A Dhuw? Nyns edh yn-mes gans agan luyow.

Salmow 74:1

Prag, A Dhuw, re'gan skonsys bynitha? Prag y feg dha sorr orth deves dha beurva?

Salmow 79:5

Pygemmys prys, A Arloedh? A vydhydh serrys bynitha? A lesk dha avi avel tan?

Salmow 79:9

Gweres dhyn ni, A Dhuw agan selwyans, a-barth golewder dha hanow; gwra agan delivra, ha kudh agan peghosow, a-barth dha hanow.

Salmow 80:1

Goslow, A vugel Ysrael, ty neb a hembronk Yosep avel flokk; omdhiskwa, ty neb a drig ynter an cherubim.

Salmow 80:3

Treyl ni arta, a Dhuw; gwra dhe'th fas golowi, ha ni a vydh selwys.

Salmow 85:4

Treyl ni, A Dhuw agan selwyans, ha gas dha sorr orthyn.

Salmow 89:19

Yn termyn passys y kewssys orth dha syns yn gwelesigeth, ha leverel: ‘My re worras gweres war onan galloesek; my re dhrehevis onan dewisys yn-mes a'n bobel.

Salmow 89:3

‘My re wrug kevambos gans an den dewisys genev, my re dos dhe Davydh ow gwas:

Salmow 89:38

Mes ty re dewlis dhe-ves ha skonya; ty re sorras orth dha Untys.

Salmow 89:7

Ownys yw Duw yn kuntelles an syns; pur euthyk a-ugh oll an re usi yn y gyrghynn.

Salmow 90:13

Dehwel, A Arloedh; pygemmys prys? Bydh truedhek orth dha wesyon.

Zekaria 10:6

My a wra nertha chi Yuda ha selwel chi Yosep. My a wra aga restorya, rag my a gemmer truedh anedha. I a vydh kepar ha pan na wrugavy aga skonya; rag yth ov vy an Arloedh aga Duw, ha my a wra aga gorthybi.

1 Samuel 13:11

Samuel a leveris, ‘Pandr'a wruss'ta?’ Ha Sowl a worthybis, ‘My a welas bos an bobel skattrys a-les ahanav, ha na dheuthys a-ji dhe'n dydhyow apoyntys, ha'n Filistysi dhe omguntell war-barth yn Mikmash,

1 Samuel 4:17

An gannas a worthybis ha leverel, ‘Ysrael re fias a-dherag an Filistysi, hag yth esa ynwedh ladhva veur yn mysk an bobel; dha dhew vab ynwedh, Hofni ha Finehas, yw marow, hag argh Duw re beu kemmerys.’