Salmow 59:16 - An Bibel Kernewek 20234 (Kernewek Kemmyn)

¹⁶ Mes my a gan a'th nerth, ha my a gan yn ughel a'th tregeredh y'n myttin. Rag ty re beu ow dinas, ha skovva yn dydh ow anken.

An Sowter 1997 2023

¹⁶ Mes my a gan a'th nerth, ha my a gan yn ughel a'th tregeredh y'n myttin : rag ty re beu ow dinas, ha skovva yn dydh ow anken.

Salmow 59:16 ပူးပေါင်းရင်းမြစ်များ

Salmow 21:13

Bydh ughelhes, A Arloedh, y'th nerth! Ni a gan hag a wormel dha alloes.

Efesianys 3:20

Lemmyn, dhe neb a yll gul dres pup-tra yn pals dres eghenn moy es dell bysyn na brederyn, war-lergh an galloes a ober ynnon ni,

Romanyon 15:9

ha rag may hwormolla an kenedhlow Duw rag y dregeredh. Dell yw skrifys, ‘Rakhenna my a vynn dha wormel yn mysk an kenedhlow ha kana dhe'th hanow jy’;

Salmow 30:5

Rag ny dhur y sorr saw pols byghan; yn y ras yma bewnans. Oelva a dhur dres an nos, mes lowena a dheu y'n myttin.

Salmow 143:8

Gwra dhymm klewes dha dregeredh myttinweyth, rag ynnos jy y trestyav. Gwra dhymm godhvos an fordh y koedh dhymm kerdhes ynni, rag dhiso jy y trehavav ow enev.

Salmow 138:7

Kyn kerdhav yn kres anken, ty a with ow bewnans; ty a ystynn dha leuv erbynn sorr ow eskerens, ha'th leuv dhyghow a'm saw.

2 Korinthianys 1:10

Ev re'gan delivras dhiworth mernans mar vras, hag ev a wra agan delivra; warnodho ni re worras agan govenek ev dh'agan delivra arta,

Salmow 101:1

My a gan a dregeredh ha breus; dhiso, A Arloedh, y kanav gormola.

Ebrowyon 5:7

Yn dydhyow y gig, Yesu a brofyas pysadow ha govynnadow, gans kriow ughel ha dagrow, dhe neb a ylli y dhelivra dhiworth mernans hag ev a veu klewys drefenn y own a Dhuw.

Salmow 145:11

I a lever a wolewder dha wlaskor, ha kewsel a'th nerth,

Salmow 36:5

Yma dha dregeredh, A Arloedh, y'n nevow, ha'th lenduri a dhrehedh bys y'n ebron.

Salmow 31:7

My a vydh heudhik ha lowenhe y'th tregeredh, rag ty re welas ow foenvos, hag aswonn ankenyow ow enev.

Salmow 4:1

Gorthyp dhymm pan alwav, A Dhuw ow ewnder! Ty a'm gorras yn rydhses pan en vy yn anken. Bydh grassyes orthiv, ha klew ow fysadow.

Job 37:23

An Ollgalloesek – ny yllyn y gavoes; meur yw y nerth, ha'y vreus, hag yn y wirvreus ha'y ewnder bras ny arwask ev.

Yeremia 30:7

Eghan! rag meur yw an jydh na, ma nag eus onan haval dhodho: termyn ahwer yw rag Yakob; mes ev a vydh sawys anodho.

Salmow 89:1

My a gan a dregeredhow an Arloedh bynitha; gans ow ganow y terivav dha lelder a unn henedh dhe'n nessa.

Salmow 88:13

Mes my a gri dhis rag gweres, A Arloedh; hag y'n myttin y teu ow fysadow a-dheragos.

Salmow 77:2

Yn dydh ow anken my a hwilas an Arloedh; ow leuv o ystynnys y'n nos, ha nyns o skwith; ow enev a skonyas a gavoes hebaska.

Salmow 46:1

Duw yw agan skovva ha'gan nerth, gweres yn anken na fyll nevra.

1 Samuel 17:37

Yn-medh Davydh, ‘An Arloedh neb a'm delivras dhiworth paw an lew ha dhiworth paw an ors, ev a'm delirv dhiworth dorn an Filistyas ma.’ Ha Sowl a leveris dhe Davydh, ‘Ke, ha re bo an Arloedh genes.’

Salmow 5:3

A Arloedh, y'n myttin ty a glew ow lev; y'n myttin my a orden ow fysadow orthis, ha goelyas.

Salmow 106:8

Byttegyns ev a's selwis a-barth y hanow, rag may hwrella dh'y wriansow nerthek bos aswonnys.

Salmow 86:13

Rag meur yw dha dregeredh orthiv; ty re dhelivras ow enev dhiworth ifarn isella.

2 Samuel 22:3

Duw ow harrek may hwilav skovva ynno, ow skoes, ha korn ow selwyans, ow dinas ha'm skovva, ow selwador; ty a'm saw dhiworth freudh.

Eksodus 15:6

‘Dha leuv dhyghow, A Arloedh, yw gormelys yn nerth, dha leuv dhyghow, A Arloedh, a vrew an eskar.

Job 15:23

Ev a wander a-dro rag bara, ow leverel, “Ple'mava?” Ev a woer bos dydh an tewlder yn y ogas;