Salmow 55:17 - An Bibel Kernewek 20234 (Kernewek Kemmyn)

¹⁷ Y'n gorthugher hag y'n myttin, ha dhe hanter-dydh my a grodhvol ha kyni, hag ev a glew ow lev.

An Sowter 1997 2023

¹⁷ Mes my a elow war Dhuw : ha'n Arloedh a'm selow.

Salmow 55:17 ပူးပေါင်းရင်းမြစ်များ

Job 19:7

‘Otta, my a gri “Freudh!”, mes nyns ov klewys; my a gri rag gweres mes nyns eus gwirvreus.

Salmow 119:62

Yn hanter-nos sevel a wrav rag grassa dhis, drefenn dha vreusow gwiryon.

Salmow 141:2

Re bo ow fysadow a-dheragos avel ynkys, ha'm diwleuv drehevys avel offrynn gwesper.

Salmow 72:12

Rag ev a dhelirv an edhommek pan gri rag gweres, ha'n boghosek ma nag eus dhodho gwereser.

Salmow 77:2

Yn dydh ow anken my a hwilas an Arloedh; ow leuv o ystynnys y'n nos, ha nyns o skwith; ow enev a skonyas a gavoes hebaska.

Salmow 88:13

Mes my a gri dhis rag gweres, A Arloedh; hag y'n myttin y teu ow fysadow a-dheragos.

Salmow 92:2

ow terivas dha dregeredh myttinweyth, ha'th lelder nosweyth,

Kynvannow 3:8

Ynwedh pan griav ‘Harow!’ ev a dhege yn-mes ow fysadow.

Daniel 6:10

Pan wodhva Daniel bos sinys an skrifenn, yth eth dh'y ji. Y feu ynno fenestri y'n soler igor war-tu Yerusalem. Teyrgweyth pub dydh yth esa ev ow mos war benn-dewlin rag gul pysadow ha gormola a-rag y Dhuw, dell wrussa seuladhydh.

Daniel 6:13

Ena i a worthybis ow leverel dhe'n myghtern, ‘Daniel, neb yw onan an dhivresow a Yuda, ny wra vri orthis, A vyghtern, nag orth an difenn sinys genes, mes ev a wra y bysadow teyrgweyth pub dydh.’

Mark 1:35

Ha myttin a-varr, hag ev ow sevel fest pell kyns hy bos dydh, ev eth yn-mes hag omdenna bys yn tyller difeyth, hag ena yth esa ow pysi.

Mark 6:46

Ha wosa ev dhe asa farwell dhedha, ev a omdennas dhe'n menydh rag pysi.

Mark 6:48

Hag ev a's gwelas tewlys a-dro hag i ow roevya, rag bos an gwyns er aga fynn; hag a-dro dhe beswora goel an nos ev a dheuth dhedha ow kerdhes war an mor, hag a vynnsa tremena dresta.

Oberow 10:3

A-dro dhe nawves eur an jydh ev a welas diblans yn hunros el Duw ow mos dhodho hag ow leverel dhodho, ‘Kornelius.’

Oberow 10:30

Hag yn-medh Kornelius, ‘Nans yw peswar dydh, dhe'n keth eur ma, dhe'n nawves eur yth esen ow pysi y'm chi, hag otta, gour a sevis a-dheragov, splann y dhillas,

Oberow 10:9

Ternos, hag i ow vyajya hag ow nesa dhe'n sita, Peder a yskynnas dhe'n to rag pysi, a-dro dhe'n hweghves eur.

Oberow 3:1

Lemmyn yth esa Peder ha Yowann ow mos yn-bann dhe'n tempel dhe'n eur a bysadow, an nawves eur.

Efesianys 6:18

Dre bub pysadow ha govenek, pysewgh pub eur oll y'n Spyrys; ha dhe'n porpos na, bedhewgh hewoel gans pub diwysykter ha pysadow rag oll an syns,

1 Thessalonianys 5:17

Gwrewgh pysi heb hedhi.

Ebrowyon 5:7

Yn dydhyow y gig, Yesu a brofyas pysadow ha govynnadow, gans kriow ughel ha dagrow, dhe neb a ylli y dhelivra dhiworth mernans hag ev a veu klewys drefenn y own a Dhuw.