Salmow 51:1 - An Bibel Kernewek 20234 (Kernewek Kemmyn)

¹ Bydh grassyes orthiv, A Dhuw, herwydh dha dregeredh; herwydh dha druedh meur defend dhe-ves ow hammweythresow.

An Sowter 1997 2023

¹ Bydh grassyes orthiv, A Dhuw, herwydh dha dregeredh : herwydh dha druedh meur defend dhe-ves ow hammweythresoww.

Salmow 51:1 ပူးပေါင်းရင်းမြစ်များ

2 Samuel 11:2

Yn neb unn gorthugher Davydh a sevis a'y weli ha kerdhes a-dro war do chi an myghtern, ha dhiworth an to ev a welas benyn owth omwolghi; ha semlans an venyn o pur deg.

Nehemia 4:5

Na gudh aga hammweyth ha na as aga fegh dhe vos dileys a'th wolok rag i re'th provokyas dhe sorr a-rag an weythoryon.

Salmow 106:45

Hag ev a borthas kov a'y gevambos a'ga govis i, hag edrek a'n jeva herwydh y dregeredh meur;

Salmow 106:7

Agan tasow yn Ejyp ny gonvedhsons dha varthusyon, na perthi kov a'th tregeredh veur, mes i a rebellyas ryb an mor, ryb an Mor Rudh.

Salmow 109:21

Mes gwra dhymm, A Arloedh Duw, herwydh dha hanow; drefenn bos dha dregeredh da, gwra ow delivra.

Salmow 119:124

Gwra dhe'th was herwydh dha dregeredh, ha dysk dhymm dha ordenansow.

Salmow 145:9

An Arloedh yw da orth pub den oll, hag yma y druedh dres oll y oberow.

Salmow 4:1

Gorthyp dhymm pan alwav, A Dhuw ow ewnder! Ty a'm gorras yn rydhses pan en vy yn anken. Bydh grassyes orthiv, ha klew ow fysadow.

Salmow 40:11

Na skon dhymm dha druedh, A Arloedh prest re'm gwittho vy dha dregeredh ha'th wirder.

Salmow 5:7

Mes my a dheu y'th chi dre dha dregeredh meur; my a ombleg troha'th tempel sans yn own ahanas.

Salmow 51:9

Kudh dha fas rag ow feghosow, ha defend dhe-ves oll ow hammweythresow.

Salmow 69:13

Mes ow fysadow yw dhiso jy, A Arloedh; yn prys plegadow, A Dhuw, gorthyp dhymm y'th tregeredh veur, yn gwirder dha selwyans.

Salmow 69:16

Gorthyp dhymm, A Arloedh, rag da yw dha dregeredh; treyl dhymmo vy, herwydh dha druedh meur.

Salmow 77:9

A ankovas Duw bos grassyes? A dhegeas ev y druedh yn sorr?’ Sela.

Ysay 43:25

My, my yw ev neb a dhefend dhe-ves dha dreuspassow a'm govis ow honan, ha ny borthav kov a'th peghosow.

Ysay 44:22

My re skubas dhe-ves dha dreuspassow avel kommolenn, ha'th peghosow avel niwl; dehwel dhymm, rag my re'th tasprenas.

Ysay 63:15

Mir dhiworth nev, ha gwel dhiworth trigva ughel dha sansoleth ha'th glori. Ple'ma dha dhiwysykter ha'th krevder, amovyans dha golodhyon ha'th truedh? Skonys yns dhymm.

Ysay 63:7

Meneges tregeredhow an Arloedh a wrav, ha gormoledhow an Arloedh, war-lergh pup-tra a wrug an Arloedh ragon, ha lies tra dha rag chi Ysrael a wrug ev ragdha war-lergh y druedhow ha war-lergh palster y dregeredh.

Yeremia 18:23

Byttegyns, Arloedh, ty a woer oll aga husul er ow fynn dhe'm ladha. Na av aga hammweyth, na dilea aga fegh a'th wolok, mes gas i dhe vos domhwelys a-ragos. Gwra aga dyghtya yn termyn dha sorr.

Kynvannow 3:32

Kyn hwra grev, byttegyns ev a gemmer truedh herwydh braster y dregeredh;

Daniel 9:18

Ow Duw, ro dha skovarn ha klewes; igor dha dhewlagas ha mir orth agan ahwer, hag orth an sita may feu dha hanow gelwys warnedhi; nyns yw drefenn agan gwiryonsys ni may profyn agan aspysadow a-ragos, mes drefenn dha druedh bras.

Daniel 9:9

Dhe'n Arloedh agan Duw yma truedh ha gevyans; rag ni re rebellyas er y bynn,

Oberow 3:19

Rakhenna kemmerewgh edrek, ha treylyewgh may fo defendys dhe-ves agas peghosow,

Kolossianys 2:14

ow tefendya an akont-skrif esa er agan pynn, gans y ordenansow, hag ev a'n kemmeras dhe-ves, orth y gentra orth an grows;