Salmow 50:7 - An Bibel Kernewek 20234 (Kernewek Kemmyn)

⁷ Klew, ow fobel, ha my a gews, ha my a dheg dustuni er dha bynn, A Ysrael; my yw Duw, dha Dhuw jy.

An Sowter 1997 2023

⁷ Klew, ow fobel, ha my a gews : ha my a dheg dustuni er dha bynn, A Ysrael; my yw Duw, dha Dhuw jy.

Salmow 50:7 ပူးပေါင်းရင်းမြစ်များ

1 Myghternedh 18:39

Pan y'n gwelas oll an bobel, i a goedhas war aga fas ha leverel, ‘An Arloedh, ev yw Duw, an Arloedh, ev yw Duw.’

2 Myghternedh 17:13

Byttegyns an Arloedh a warnyas Ysrael ha Yuda dre bub profoes ha pub gwelesydh, ow leverel, ‘Treylyewgh dhiworth agas drog fordhow ha gwithewgh ow gorhemmynnow ha'm ordenansow, herwydh oll an lagha a worhemmynnis dh'agas tasow hag a dhannvenis dhywgh der ow gwesyon ha'm profoesi.’

2 Kroniklys 28:5

Rakhenna an Arloedh y Dhuw a'n ros yn leuv myghtern Aram; i a'n fethas hag a gemmeras yn kethneth myns bras a'y dus hag a's dros dhe Damaskus. Ev a veu res ynwedh yn leuv myghtern Ysrael neb a'n fethas gans ladhva veur.

Salmow 49:1

Klewewgh hemma, oll an poblow; rewgh skovarn, oll an re usi trigys y'n norvys.

Salmow 81:8

Klew, ow fobel, ha my a dheg dustuni dhis; A Ysrael, unnweyth a koslewes orthiv!

Salmow 81:9

Ny vydh ynnos duw astranj, ha ny wordhydh duw estren.

Eksodus 20:2

My yw an Arloedh dha Dhuw, neb a'th tros yn-mes a bow Ejyp, yn-mes a'n chi a gethneth.

Ysay 1:18

Dewgh, ha resnyn ni war-barth, yn-medh an Arloedh. Kyn fons agas peghosow kepar ha kogh, y fydhons mar wynn avel an ergh; kyn fons mar rudh avel purpur, y fydhons kepar ha gwlan.

Yeremia 2:9

Rakhenna hwath my a bled genowgh, yn-medh an ARLOEDH, ha gans fleghes agas fleghes my a bled.

Ezekiel 20:5

ha lavar dhedha, Yndellma y lever an Arloedh Duw: Y'n jydh may tewisis vy Ysrael my a dos gans leuv drehevys dhe has chi Yakob, hag omdhiskwedhes dhedha yn pow Ejyp. My a dhrehevis ow leuv dhedha ha ti, ow leverel, My yw an Arloedh agas Duw.

Ezekiel 20:7

My a leveris dhedha, Tewlewgh dhe-ves, hwi oll, an taklow kasadow usi a-rag agas dewlagas, ha na omdhefolewgh gans idolys Ejyp. My yw an Arloedh agas Duw.

Zekaria 13:9

My a dhre an tressa rann dre'n tan, ha'ga furhe dell yw purhes an arghans, a'ga frevi dell yw prevys an owr. Ev a wra gelwel war ow hanow, ha my a worthyp dhodho; my a lever, ‘Ev yw ow fobel’, hag ev a lever, ‘An Arloedh yw ow Duw.’

Malaki 3:5

Ha my a dheu nes dhywgh rag breus. Ha my a vydh test uskis erbynn an hudoryon ha'n avoutroryon, ha'n re a de yn fals, hag erbynn an re a doell an gweythor a'y wober, an wedhwes ha'n omdhivas, ha treylya dhe-ves an alyon, ha na berthons own ahanav, yn-medh Arloedh an luyow.