Salmow 50:14 - An Bibel Kernewek 20234 (Kernewek Kemmyn)

¹⁴ Offrynn grasyans dhe Dhuw, ha kollanw dha ambosow dhe'n Ughella.

An Sowter 1997 2023

¹⁴ Offrynn grasyans dhe Dhuw : ha kollanw dha ambosow dhe'n Ughella.

Salmow 50:14 ပူးပေါင်းရင်းမြစ်များ

Job 22:27

Ty a bys warnodho hag ev a'th klew, ha ty a gollenow dha ambosow.

Salmow 147:1

Gormelewgh an Arloedh, rag da yw kana gormola dh'agan Duw ni; plegadow ha gwiw yw y wormel.

Salmow 22:25

Ahanas jy yw ow gormola y'n kuntelles meur; my a dal ow ambosow a-wel dhe'n re a berth own ahanas

Salmow 22:26

An dus truan a dheber hag a vydh lenwys; an re a hwila an Arloedh a'n gormel; re vewo agas kolonn bynnari.

Salmow 27:6

Ha lemmyn, ow fenn a vydh ughelhes a-ugh ow eskerens a-derdro; ha my a offrynn sakrifisow a lowena yn y skovva; my a gan, ha kana gormola dhe'n Arloedh.

Salmow 50:23

Neb a offrynn an sakrifis a rasyans a wra ow gordhya; ha dhe neb a wra y fordh yn ewn my a dhiskwa selwyans Duw.’

Salmow 56:12

Yma dha ambosow warnav, A Dhuw; my a's tal dhis gans offrynnow grasyans.

Salmow 61:8

Yndella y kanav gormola dhe'th hanow bynitha, ow tyli ow ambosow pub dydh oll.

Salmow 65:1

Y tegoedh dha wormel, A Dhuw, yn Sion, ha dhiso jy y fydh an ambos kollenwys.

Salmow 69:32

An re hwar a'n gwelas, ha lowen yns i; hwilewgh Duw, ha'gas kolonn a vew.

Salmow 76:11

Gwrewgh ambos dhe'n Arloedh agas Duw, ha'y gollenwel; oll an re usi yn y gyrghynn, drens i rohow dhe neb a dal perthi own anodho.

Salmow 76:12

Ev a fronn an spyrys a bennsevigyon; euthyk yw ev orth myghternedh an nor.

Hosea 14:2

Kemmerewgh genowgh hwi geryow, ha dehwelewgh dhe'n Arloedh. Leverewgh dhodho, ‘Gav pub kammhynseth, ha degemmer an pyth yw da, rag may attyllyn frut agan diwweus.

Nahum 1:15

Awotta, war an menydhyow treys kannas nowodhow da, ow terivas kres! Gwith dha dhy'goelyow, A Yuda, kollanw dha ambosow, rag ny dremen an tebelwas dredhos nevra namoy; ev yw treghys dhe-ves yn tien.

Nahum 2:1

Ev neb a skatter yw devedhys erbynn dha fas. Gwith an fos, aspi orth an fordh, krevha dha dhiwglun, krevha dha nerth yn feur.

Romanyon 12:1

My a'gas pys, a vreder, dre druedhow Duw, may proffyowgh agas korf avel sakrifis bew, sans, plegadow dhe Dhuw, hag yth yw agas gwir wonis spyrysel;

Dewteronomi 23:21

Pan ambosydh ambos dhe'n Arloedh dha Dhuw, na wra delatya an termyn dh'y gollenwel: drefenn an Arloedh dha Dhuw a'n hwila dhiworthis yn surredi, hag y fydh dhis pegh.

Dewteronomi 23:22

Mes mar ny vynnydh gul ambos, ny vydh dhis pegh.

Dewteronomi 23:23

An pyth a dheu yn-mes a'th tiwweus, henna a withydh ha'y wul, kepar hag offrynn bolonjedhek a ambossys dhe'n Arloedh dha Dhuw, hag a gewsis gans dha anow.

Dewteronomi 23:24

Pan dheudh yn gwinlann dha gentrevek, ty a yll dybri dha walgh a rappys, kemmys a vynnydh; mes na wra aga gorra y'th lester.

1 Thessalonianys 5:18

Yn pup-tra, rewgh grasyans, rag hemm yw bolonjedh Duw ragowgh yn Krist Yesu.

Ebrowyon 13:15

Dredho ytho, offrynnyn heb lett sakrifis a wordhyans dhe Dhuw, henn yw frut diwweus a wormel y hanow.

1 Peder 2:5

Ha hwi ynwedh, kepar ha meyn bew, omdhrehevewgh hwi dhe vos chi spyrysel, oferyaseth sans, dhe offrynna sakrifisow spyrysel kemmeradow dhe Dhuw dre Yesu Krist.

1 Peder 2:9

Mes hwi yw agh dhewisys, oferyaseth ryel, kenedhel sans, pobel arbennik dhodho, may hyllowgh deklarya an gwriansow marthys a neb a'gas gelwys yn-mes a dewlder a-bervedh yn y wolow marthys.