Salmow 50:10 - An Bibel Kernewek 20234 (Kernewek Kemmyn)

¹⁰ Rag dhymmo vy yma pub best a'n koes, an chatel war vil venydh.

An Sowter 1997 2023

¹⁰ Rag dhymmo vy yma pub best a'n koes : an chatel war vil venydh.

Salmow 50:10 ပူးပေါင်းရင်းမြစ်များ

Jenesis 2:19

Ha mes a'n dor an Arloedh Duw a formyas pub best a'n gwel ha pub edhen a'n ayr ha'ga dri dhe Adam dhe weles fatell vynna aga henwel, ha pypynag a henwis Adam pub kreatur bew, yndella y feu y hanow.

Jenesis 31:9

Ha Duw a gemmeras dhe-ves chatel agas tas ha'ga ri dhymmo vy.

Jenesis 8:17

Doro yn-mes genes pub tra vew usi genes, a bub kig, ydhyn ha bestes, pub pryv ow kramya war an nor, may hwrellons hesya yn pals war an nor ha doen frut ha kressya war an nor.’

Salmow 104:14

Ev a wra dhe'n gwels tevi rag an gwarthek, ha losow rag gonisogeth den, may tokko boes yn-mes a'n nor,

Salmow 24:1

Dhe'n Arloedh yma an nor ha myns eus ynno, an norvys, ha'n re usi trigys ynno.

Daniel 2:38

Ha plepynag eus trigys mebyon den, bestes gwyls hag ydhyn an ebron, ev re's gorras y'th torn, ha gul orthis rewlya warnedha oll. Ty yw an penn a owr.

Yona 4:11

Ytho a ny gemmerav vy truedh a Nineve, an sita vras, mayth eus ynni moy es hwegh-ugens mil dhen na wodhons dissernya ynter aga leuv dhyghow ha'ga leuv gledh, ha myns meur a warthek?’